„მანჩესტერ იუნაიტედის“ ლეგენდამ გარი ნევილმა შესაძლოა მალე ინგლისური Sky Sports დატოვოს. ნევილი Sky-ში მატჩის ანალიტიკოსად და ამავდროულად, ინგლისის ნაკრებში როი ჰოჯსონის თანაშემწედ მუშაობს. გარი ხვდება, რომ მალე ამ ორიდან ერთ-ერთის არჩევა მოუწევს და ლოგიკურად თუ ვიმსჯელებთ, ის ჰოჯსონთან მუშაობას გააგრძელებს, „სქაი სპორტს“ კი ერთით ნაკლები კომენტატორი ეყოლება. „სულელი არ ვარ და ვხვდები, რომ საბოლოოდ მომიწევს არჩევანის გაკეთება ინგლისის ნაკრებსა და Sky-ს შორის, თორემ საქმე ერთ-ერთ მათგანში ცუდად წამივა. ორივე სამუშაო მიყვარს, გასახდელში შესვლაზე და გუნდის ნაწილად გადაქცევის მსგავსი არაფერია. როცა Sky-ში ვმუშაობ, არ ვღელავ მატჩში მიმდინარე მოვლენებზე. ვღელავ მხოლოდ ჩემს თავზე და ვცდილობ ვიყო პროფესიონალი.“ ნევილი როგორც აღმოჩნდა, ფეხბურთიდან წასვლის შემდეგ სამწვრთნელო კარიერის დაწყებაზე არც ფიქრობდა. ამ გადაწყვეტილების მიღება ქვეყნის სიყვარულმა და როი ჰოჯსონთან მუშაობის სურვილმა განაპირობა. “სამწვრთნელო კარიერის დასაწყებად არანაირი გეგმები არ მქონდა. ფეხბურთს თავი დავანებე და თავს კომფორტულად ვგრძნობდი. ეს ხომ ინგლისია. ჩემი ქვეყანა და მისი მაისურით თამაში ყოველთვის მიყვარდა. როი ფანტასტიური მწვრთნელია, ის თავისი ეთიკის შესაძლებლობებში სრულადაა დარწმუნებული, მე კი აქ სწორედ მის დასახმარებლად ვარ.“ - დაასრულა ნევილმა.