შოტლანდიელმა მწვრთნელმა განაცხადა, რომ მისი კლუბი არ შეწყვეტს გამარჯვებებს, იმისდა მიუხედავად, რომ ახლა ორ მანჩესტერულ კლუბს შორის ქულათა სხვაობა 15-მდე გაიზარდა:"სეზონის ამ მონაკვეთში არც ერთი ფეხბურთელი არ იღებს ჯილდოებს და მედლებს, ასე რომ ჩვენ არ უნდა დავკმაყოფილდეთ ამ ქულების სხვაობით და არც დავკმაყოფილდებით. ვფიქრობ, რომ ჩემი ყველა ფეხბურთელი ყოველი მატჩის მნიშვნელობას ხვდება, რაც ძალიან გვეხმარება ყოველ მატჩში მოტივაციის ამაღლებაში და რაც მთავარია კარის მშრალად შენახვაში." - განაცხადა სერ ალექს ფერგიუსონმა manutd.com-თან.
"მატჩის წინ ვხვდებოდით, თუ რაოდენ მნიშვენლოვანი იქნებოდა ეს გამარჯვება ჩვენთვის. ჩვენ დიდი სპექტაკლი არ დაგვიდგამს, მაგრამ შეხედეთ ახლა თუ რომელ პოზიციაზე ვიმყოფებით. გუნდი კარგად მოქმედებდა. ჩვენ "სიტის" ასევე 13 ბურთითაც ვუსწრებთ, რაც კიდევ ერთი დამატებითი ფაქტორია. მაგრამ ერთადერთი რაზეც ჩვენ ვფიქრობთ - ეს შემდეგ მატჩში გამარჯვებაა!"
"მხოლოდ ეს მატჩი არ აჩვენებს იმას, რომ ჩვენ "სიტის" 15 ქულით ვუსწრებთ. ამას ბოლო ექვსი თვე აჩვენებს, რომლის განმავლობაშიც ჩვენმა ფეხბურთელებმა ძალიან მძიმე სამუშაოს შესრულება შესძლეს."
ფეხბურთელები ეროვნულ ნაკრებში!
"პრობლემად ის ითვლება, რომ ჩემი ფეხბურთელები ახლა ნაკრებში ორ თამაშს ჩაატარებენ. ისინი შაბათს დაბრუნდებიან "სანდერლენდთან" მატჩისთვის და შემდეგ მათ ელით ძალიან დაძაბული ბრძოლა "ჩელსისთან". მაგრამ ჩვენ დიდი გუნდი გვყავს, რაც საშუალებას მაძლევს, შემადგენლობის როტაციას, რომ მივმართო, როგორც ეს ამ მატჩზე გავაკეთე."
რიო ფერდინანდი
"რიო ძალიან კარგად წავიდა წინ. ის ამაში ყოველთვის კარგი იყო. რათქმაუნდა ამას ყოველ მატჩში ვერ გააკეთებს. მაგრამ გუშინ მან ამით, ძალიან დიდი სარგებელი მოგვიტანა."