ბუნდოვანი მომავალი, არცთუ ისე სახარბიელო შედეგები, ეს ყველაფერი "იუნაიტედის" თავს ტრიალებს, თუმცა კლუბის მენეჯერი ოპტიმისტურ განწყობას არ კარგავს.

პრემიერ ლიგის გასულ ტურში, ნიდერლანდელის შეგირდები პეპ გვარდიოლას "სიტისთან" უშანსოდ დამარცხდნენ ანგარიშით 0-3.

"მანჩესტერ სიტისთან" თამაშის შემდეგ კითხვებს სვამთ თუ რა ხდება ჩვენს თავს?, თუმცა გავიხსენოთ, რომ წინა სამი მატჩი მოვიგეთ და განწყობა ძალიან კარგია.

ვფიქრობ, მწვერვალებისკენ ნაბიჯ ნაბიჯ მივიწევთ. დასაწყისი რთული იყო, მაგრამ ახლა აღმასვლისკენ მივდივართ. ჩვენ უნდა გამოვიჩინოთ მოთმინება.

მიხარია, რომ ტრავმირებულები მალე დაბრუნდებიან, შემდეგ კი ჩვენი გუნდი გაძლიერდება", - ციტირებს The Independent-ი ტენ ჰაგის სიტყვებს.

ამ კვირაში "მანჩესტერ იუნაიტედი" ორ მატჩს გამართავს - "ნიუკასლთან" (1 ნოემბერი, ლიგის თასი) და "ფულჰემთან" (4 ნოემბერი, პრემიერ ლიგა).