დავიდ დე ხეამ, რომელსაც ,,წითელ ეშმაკებთან” კონტრაქტი 30 ივნისს ამოეწურა, გუნდიდან წასვლის შესახებ განაცხადა:


"ეს გზავნილია "იუნაიტედის" ყველა გულშემატკივრისთვის. მინდა მადლობა გადაგიხადოთ იმ სითბოსა და სიყვარულისთვის, რომელსაც თქვენგან 12 წლის განმავლობაში ვგრძნობდი. როცა, სერ ალექსმა გუნდში მომიყვანა ვერ წარმოვიდგენდი ერთად ამდენს თუ მივაღწევდით.


წარმოუდგენელ სიამაყეს ვგრძნობდი ყოველ ჯერზე, როცა ამ მაისურს ვიცვამდი, როცა მოედანზე გამოვდიოდი გუნდის რიგებში, ამ სტრუქტურის, მსოფლიოს უდიდესი კლუბის წარმომადგენლობა იყო პატივი, რომელიც მხოლოდ რამდენიმე იღბლიან მოთამაშეს ხვდა წილად.


ეს ჩემს კარიერაში დაუვიწყარი ეპიზოდი იყო. ახლა საუკეთესო პერიოდია იმისთვის, რომ ახალი გამოწვევები მივიღო და საკუთარი თავი ახალ გარემოში გამოვცადო. "მანჩესტერ იუნაიტედი" ყოველთვის ჩემს გულში იქნება" – დაწერა დე ხეამ სოციალურ ქსელში.


დევიდ დე ხეა "მანჩესტერ იუნაიტედს" მადრიდის "ატლეტიკოდან" 2011 წელს შეუერთდა. ესპანელმა კიპერმა "წითლებთან" ერთად პრემიერლიგის, ინგლისის თასის, ლიგის თასის (2-ჯერ), სუპერთასისა (3-ჯერ) და ევროპა ლიგის მოგება შეძლო. ამ ერიოდის განმავლობაში დევიდმა "მანჩესტერის" ღირსება 545 მატჩში დაიცვა.