„ჩელსის“ მთავარმა მწვრთნელმა რაფა ბენიტესმა სერ ალექს ფერგიუსონს მისდამი უპატივცემულობაში დასდო ბრალი. “ოლდ ტრაფორდზე“ გამართულ ინგლისის თასის შეხვედრა ინციდენტებით დასრულდა, რითაც ინგლისის ასოციაცია უკვე დაინტერესდა. მატჩის დასაწყისში, ფერგიუსონმა ბენიტესთან ხელის ჩამორთმევა იუარა და მომლოდინე რაფას ისე ჩაუარა, გვერდზე არც გაუხედავს. რაფა აღიარებს, რომ შეხვედრის დასრულების შემდეგ პროტოკოლი მანაც დაარღვია, როცა სერ ალექსთან მისვლის ნაცვლად, ფრედ დასრულებულ 90 წუთს ზეიმობდა.
ლონდოლენთა თავკაცმა მატჩის შემდგომ პრესკონფერენციაზე განაცხადა: „ფეხბურთელთა გამოსასვლელი გვირაბის დასაწყისში ფერგიუსონს ხელის ჩამოსართმევად ველოდი, მაგრამ მან უბრალოდ წინ ჩამიარა. როგორც წესი, ჩვენ ერთმანეთს ხელს ვართმევთ, მე ამის გასაკეთებლად ვიცდიდი, რადგან შესაბამისი კულტურა მაქვს და ვიცოდი, რომ ამ მომენტს ბევრი ადამიანი უყურებდა. თუ საკმარისად მამაცები ხართ, თავად ფერგიუსონს ჰკითხეთ რატომ მოიქცა ასე.“
მატჩში მეორე ინციდენტი 86 წუთზე დაფიქსირდა, როცა ფერდინანდმა ტორესს გაუგებარი მიზეზის გამო ხელი ჰკრა. ბენიტესი დარწმუნებულია, რომ რიომ ეს განზრახ გააკეთა, ფერგიუსონი ჟურნალისტებთან მოკლე კომენტარის გასაკეთებლად კვლავ არ გამოცხადდა და ინგლისელი მცველის ქმედებაზეც არ ისაუბრა. ინგლისის ასოციაციაში ახლა ჰოვარდ ვების მოხსენებას ელოდებიან, რის შემდეგადაც მატჩში მომხდარი ინციდენტების განხილვა დაიწყება.