ერიკ ტენ ჰააგის ნომერმა პირველმა სატრანსფერო სამიზნემ ფრენკი დე იონგმა გადაწყვეტილება მიიღო. აქამდე გავრცელებული ცნობებით ფეხბურთელს კატალონიურ გრანდთან განშორება არ სურდა.
თუმცა სიტუაცია რადიკალურად შეიცვალა. ნიდერლანდელი უკმაყოფილოა იმით, რომ ხავის გუნდს მისი გაყიდვა ასე ღიად და დაუფიქრებლად სურს რადგან გუნდის ბიუჯეტი მნიშვნელოვნად შეივსოს.
სწორედ ამიტომ ნახევარმცველი მზადაა მისი ყოფილი მენტორის კლუბს შეუერთდეს. თავის მხრივ ტენ ჰააგმა მნიშვნელოვანი როლი შეასრულა ამ შესაძლო ტრანსფერის განხორციელებაში.
გასაჯაროვდა ასევე მხარეებს შორის მოლაპარაკებების დროს გაჟღერებული პირობები, ესპანელებს სურთ რომ დე იონგის სანაცვლოდ 80 მილიონი ევრო მიიღონ, და ასევე ტრანსფერი უნდა დაიხუროს მიმდინარე თვის ბოლომდე.
ინგლისური მხარე აღნიშნული თანხის წინააღმდეგი არ გახლავთ თუმცა მათ სურთ რომ 20 მილიონი ბონუსების სახით იქნეს გადახდილი.
დიდი ალბათობით "მანჩესტერ იუნაიტედის" პირველი ტრანსფერი მიმდინარე სატრანსფერო ფანჯარაზე სწორედ დე იონგის სახით განხორციელდება.