გუშინ, პრემიერ ლიგის 25-ე ტურის შეხვედრაში "იუნაიტედმა" 10-კაციანი "ბრაიტონი" 2-0 დაამარცხა კრიშტიანუ რონალდუსა და ბრუნო ფერნანდეშის გოლებით. აღნიშნული შეხვედრა დავიდ დე ხეასთვის 128-ე მშრალი მატჩი გამოდგა პრემიერ ლიგის ისტორიაში, რითაც ლეგენდარულ პეტერ შმეიხელს გაუთანაბრდა.

ესპანელმა მეკარემ პრემიერ ლიგის ეგიდით ჩატარებულ შეხვედრებში 364-ჯერ მოირგო "მანჩესტერ იუნაიტედის" მაისური, აქედან 128-ჯერ კი კარის მშრალად შენახვა მოახერხა.



"მანჩესტერ იუნაიტედში" ჩატარებული მშრალი მატჩების მიხედვით დავიდი მესამე ადგილზეა. მის ანგარიშზე 163 შეხვედრაა და იმის გამო, რომ ის ჯერ კიდევ მხოლოდ 31 წლისაა, დიდი შანსია, რომ შმეიხელის რეკორდი გააუმჯობესოს, რომელიც 398 შეხვედრაში 180 მშრალ მატჩს ითვლის.

1. პეტერ შმეიხელი: 180
2. ალექს სტეპნი: 175
3. დავიდ დე ხეა: 163
4. გარი ბეილი: 161
5. ედვინ ვან დერ საარი: 135

"იუნაიტედი" მომდევნო შეხვედრას 20 თებერვალს, "ლიდსის" წინააღმდეგ გამართავს, სადაც დავიდი აქტივში მორიგი მშრალი მატჩის ჩაწერას ეცდება.