სერ ალესმა განაცხადა, რომ ფილ ჯონსმა ვერ მოასწრო "რეალთან" მატჩისთვის გამოჯანმრთელება და არც რაიან გიგზის როლია გარკეული, ამ მატჩისთვის:"ფილმა ვერ მოასწრო გამოჯანმრთელება და ხვალ ის მატჩში მონაწილეობას ვერ მიიღებს. ვფიქრობ, რომ მან პირველი მატჩი მადრიდში ძალიან კარგად ჩაატარა. ეს ჩვენთვის დანაკარგია, მაგრამ არაფრის გაკეთება არ შეგვიძლია. ჩვენ კიდევ გვაქვს, ბევრი სხვა ვარიანტი, მხოლოდ ისაა საჭირო სწორად გამოვიყენოთ ეს ყველაფერი."
"რაიანი მატჩის გადამწყვეტ როლში მიიღებს მონაწილეობას. ის მატჩს ან სასტარტო შემადგენლობიდან, ან სათადარიგოთა სკამიდან დაიწყებს. ის ძალიან მნიშვნელოვანია ჩვენთვის, მაგრამ მაინც არ მიმიღია საბოლოო გადამწყვეტილება." - განაცხადა სერ ალექსმა manutd.com-თან.
მცველების არჩევანი შეხვედრისთვის
მწვრთნელი იმედოვნებს, რომ რაფაელი ისე ითამაშებს რონალდოსთან, როგორც წინა მატჩში ითამაშა. მაგრამ სერალექსის მთავარი თავის ტკივილი ცენტრალური მცველებია:"კარგია, რომ ასეთი პრობლემა გვაქვს. მე უნდა ავირჩიო ორი ცენტრალური მცველი, რომელიც ახლა საუკეთესო ფორმაშია. გადაწყვეტილებას ხვალ მივიღებ და ვიმედოვნებ, რომ ეს სწორი გადაწყვეტილება იქნება."
ტაქტიკა
სერ ალექსს დაუსვეს კითხვა, ატამაშებდა თუ არა კლუბს დაცვითი ტქტიკით, რომლის შედეგადაც "იუნაიტედმა" "ბარსელონას" "ოლდ ტრაფორდზე" ძლია 2008 წელს. მწვრთნელმა უპასუხა:"დაცვაში თამაში გადამწყვეტი ასპექტი იქნება. "რეალი" მსოფლიოში ერთ-ერთ საუკეთესოდ ითვლება კონტრ-შეტევებში, რაც ჩვენ ძალიან კარგად ვიცით. ბოლო მატჩში "კამპ ნოუზე" მათ ძალიან კარგად იმოქმედეს კონტრ-შეტევებზე და ახლა ჩვენ ვეცდებით რაიმე მოვუხერხოთ ამას."
"წინა სამატჩო მომზადების დროს ჩვენ აქცენტს ვაკეთებთ მეტოქის ძლიერ წერტილებზე. ჩვენ ყოველთვის დიდ ყურადღებას ვაქცევთ მათ ფორმას, ფეხბურთელებს და ტატქიკას. ამასთანავე ჩვენ ვიცით ჩვენი შესაძლებლობები და ვეცდებით მათ გამოყენეას. ვიმედოვნებ, რომ ეს ყველაფერი ხვალინდელი მატჩისთვის დაგვეხმარება."
"ჩვენ ჩვენს ფეხბურთელებს უნდა ვენდოთ. ნდობა - ეს ისაა, რაზეც ჩვენ ურთიერთობას ვაწყობთ. აი რატომ გვაქვს ასეთი კარგი სეზონი. სამწვრთნელო შტაბმა კარგად იცის, თუ რა სჭირდებათ ფეხბურთელებს, სწორად კვება თუ დატვირთვით ვარჯიში. მე უკვე ვიცი თუ რა უნდა ვთქვათ ხვალ."
კრისტიანო რონალდო
"რას უნდა მოველოდეთ იმ კლუბისგან, რომელშიც რონალდო თამაშობს? ჩვენ ველოდებით მისგან დიდ საფრთხეს, მთელი მატჩის განმავლობაში. ჩვენ დიდი ძალის გამოყენება დაგვჭირდება მის შესაჩერებლად. რაფაელმა კარგი პრაქტიკა მიიღო რონალდოს წინააღმდეგ მადრიდში, ასე რომ მცველები მის შეჩერებას შეეცდებიან."