მარტის თვეში "წითლები" ჩაატარებენ მიყოლებით ოთხ საშიანო მატჩს სამ ჩემპიონატში, სერ ალექს ფერგიუსონი აპირებს ამ სერიით მაქსიმალურად ისარგებლოს.

"იუნაიტედი" ხელსაყრელ პოზიციაზე იმყოფება სამივე ტურნირში. მათ შემდეგი თამაში ექნებათ "ნორვიჩის" წინააღმდეგ "პრემიერ ლიგაში", შემდეგ უმასპინძლებენ "რეალ მადრიდს" "ჩემპიონთა ლიგის" განმეორებით მატჩში, ამის შემდეგ ელოდებათ "FA თასის" შეხვედრა "ჩელსისა" და "მიდლსბროს" შორის გამარჯვებულთან, ამ სერიას კი დაასრულებენ "პრემიერ ლიგის" ეგიდით გასამართ მატჩში "რედინგის" წინააღმდეგ.

ასევე შეიცვალა "ვესტ ჰემთან" დაპირისპირების დრო, რომლის თარიღი ჯერ გაურკვეველია.

რადგან "იუნაიტედს" არ მოუწევს არც ქვეყნის შიგნით და არც სხვა ქვეყანაში მოგზაურობა, ისინი შეეცდებიან ისარგებლონ "ოლდ ტრაფორდზე" საშინაო გარემოთი და ასევე გულშემატკივრების მხარდაჭერით.

"ჩვენ შევეცდებით ბოლომდე ვისარგებლოთ ამ უპირატესობით 4 მატჩიან პერიოდში" განუცხადა ბოსმა MUTV-ს

სერ ალექსი დარწმუნებულია, რომ მოედნის საფარის მდგომარეობა რადიკალურად შეიცვალა, რაც "იუნაიტედის" მომუშავე პერსონალის დამსახურებაა.

"უნდა ვთქვა, რომ ერთ-ერთი რამ რაც დაგვეხმარება ამ პერიოდში არის მოედნის საფრის კარგი მდგომარეობა, რომელიც მნიშვნელოვნად გაუმჯობესდა" დაამატა სერ ალექსმა. "რედინგთან მატჩში მოედანი ბევრად უკეთეს მდგომარეობაში იყო. რა თქმა უნდა ის არ იყო ისეთივე კარგი როგორიც სეზონის დასაწყისში, მაგრამ მდგომარეობა უმჯობესდება. ჩვენ გვაქვს ათი დღე "რედინგისა" და "ნორვიჩის" მატჩებს შორის და დარწმუნებული ვარ ამ პერიოდში მოედანი თავის ნორმალურ მდგომარეობას დაუბრუნდება."

წყარო: manutd.com