MUST ორგანიზაციამ ("მანჩესტერ იუნაიტედის" გულშემატკივართა ნდობა) გამოაქვეყნა ღია წერილი, სადაც ქალაქ "ბრიუგეს" ადგილობრივ ხელისუფლებას ადანაშაულებს გულშემატკივრების წინააღდეგ კოორდინირებულ და მიზანმიმართულ ქმედებებში.
"ჩვენ არ გვქონია შესაძლებლობა გამოგვეყენებინა რაიმე სახის ტრანსპორტი. ჩვენ უამრავი მტკიცებულება გვაქვს, რომ პოლიციამ ტაქსის მძღოლებს უბრძანა არ მომსახურებოდნენ "იუნაიტედის" გულშემატკივრებს.. შედეგად, საშინელი ამინდის პირობებში მოგვიწია სტადიონიდან ქალაქამდე ფეხით მისვლა. ჩვეულებრივ, ადგილობრივი ხელისუფლება ავტობუსებს უნიშნავს სტუმარი გუნდის გულშემატკივრებს - ეს ნორმალური პრაქტიკაა, მაგრამ ამის ნაცვლად პოლიციამ გააჩერა ავტობუსები სტადიონის წინ. ჩვენი ასაკოვანი გულშემატკივრები იძლებულები შეიქმნენ ფეხით წასულიყვნენ და ეს იყო ძალიან რთული მათთვის. სტადიონის უშუალო სიახლოვეს ადამიანების დიდმა გაურკვეველმა ნაკადმა,ჩვენი გულშემატკივარი საკმაოდ შეაშინა. ასევე მათ შეგნებულად მოატყუეს გულშემატკივრები და არასწორი გზსიკენ მიუთუთეს."
პოლიცია თითქმის არ რეაგირებდა, როდესაც მათ დახმარებას სთხოვდნენ. კიდევ ერთხელ ვარაუდობენ, რომ ეს იყო პროვოკაციების დაგეგმილი პოლიტიკის ნაწილი. რატომ გადაწყვიტა პოლიციამ ასეთი ქმედებები სრულად გაუგებარია.
"რატომ იქნა განლაგებული წყლის ჭავლის მანქანები "იუნაიტედის" გულშემატკივრების მიმართულებით? რატომ იყო ეს საჭირო? რატომ გამოიყენეს მავთულხლართები ფეხბურთის მატჩში? რატომ დაკეტეს სექტორებიდან გასასვლელი, რამაც გამოიწვია ხალხის ჭყლეტვის რისკი, როგორც გასასვლელში, ისე კიბეების ძირში. მეთაურს რომელსაც გასასვლელების გასაღები ჰქონდა, თქვა, რომ პოლიციამ მას უბრძანა, კარების დაკეტვა და „იუნაიტედის“ გულშემატკივრის ჩაკეტვა. რატომ მიიღეს ასეთი ბრძანებები?
მეორე ნახევარში, იმავე უფროსმა თქვა, რომ პოლიციამ მას გასაღები წაართვა. ამავე დროს, კარებთან ახლოს არავინ იყო, რომელსაც საგანგებო სიტუაციის შემთხვევაში შეეძლო კარის გახსნა. ეს არის პოლიციის კიდევ ერთი პროვოკაცია და უსაფრთხოების ყველა სტანდარტის დარღვევა."
წერილის დასასრულს, გულშემატკივრებმა დაარწმუნეს "ბრიუგეს" ფანები, რომ ამ კვირაში "ოლდ ტრაფორდზე" ვიზიტის დროს არ წააწყდებიან ასეთ პრობლემებს.
"ჩვენ გვინდა დავრწმუნოთ "ბრიუგეს" გულშემატკივრები, რომ "მანჩესტერში" მათ გულთბილად მიიღებენ და არავითარ შემთხვევაში არ წააწყდებიან წყლის ქვემეხებს, მავთულხლართებს ან კონტროლს და უსაფრთხოების დარღვევას."