რობინ ვან პერსმა მოუწოდა "მანჩესტერ იუნაიტედს",რომ ზაფხულის სატრანსფერო ფანჯარაზე დაიმატონ "პარიზ სენ ჟერმენიდან" ედისონ კავანი.

მას პარიზელებთან ზაფხულში ეწურება კონტრაქტი,ურუგვაელი არ გეგმავს ამ კონტრაქტის გაგრძელებას,რის შედეგადაც ის უფასოდ დატოვებს გუნდს.

იანვრის სატრანსფერო ფანჯარაზე ედისონს,როგორც "ჩელსის" ასევე "იუნიატედსაც" უკავშირებდნენ,მაგრამ ურუგვაელს "ატლეტიკოში" გადასვლა სურდა,ეს ტრანსფერი კი ვერ განხორციელდა,რის შემდეგაც მან ზაფუხლამდე ისევ პარიზში დარჩენა მოისურვა.

ვან პერსი ერთ-ერთი ის მნიშვნელოვანი ფეხბურთელია "იუნიატედისთვის",რომელმაც 2012-2013 წლებში უდიდესი როლი ითამაშა პრემიერ ლიგის მოგებაში.როგორც მოგეხსენებათ მას შემდეგ "მანჩესტერი" აღარც გამხდარა ინგლისის ჩემპიონი.

ჰოლანდიელმა თვითერზე საკმაოდ ბევრ კითხვას უპასუხა,ერთ-ერთი კითხვა შეეხებოდა იმას თუ ვინ უნდა დაემატებინა "იუნაიტედს" ზაფხულის სატრანსფერო ფანჯარაზე,რაზეც მან ასეთი პასუხი გასცა:

"ედისონ კავანი,ის ბრწყინვალე მოთამაშეა და ის ხელმისაწვდომია"

მიუხედავად იმ ჭორებისა რაც გაზეთებში ვრცელდებოდა ედისონისა და "მანჩესტერის" შესახებ, მისმა აგენტმა აღნიშნა,რომ ის მხოლოდ ფულის გამო არ გადავიდოდა ინგლისურ კლუბში.

"კავანი მზად იყო უფრო ნაკლები ანაზღაურება მიეღო ვიდრე ეს პარიზში ჰქონდა,მაგრამ ატლეტიკოს არ შეეძლო ტრანსფერის მთლიანი თანხის გადახდა,პესეჟეს კი არ სურდა თანხის დაკლება,რის გამოც ვერ განხორციელდა ტრანსფერი.ჩემი აგენტისთვის ფული არ იყო მთავარი. პრიორიტეტული ფინანსური დაინტერესება, რომ ყოფილიყო ედისონი პრემიერ ლიგაში ჩელსიში,ან იუნაიტედში წავიდოდა"

"იუნაიტედმა" კი ზაფხულამდე ჩინეთიდან იგალო დაიმატა,სოლსკაიერმა კი მასზე ისაუბრა და აღნიშნა,რომ თავდასხმაში ის ბევრ რამეს შემატებს გუნდს.

"ის ფიზიკურად საკმაოდ ძლიერია და ასევე გოლის გატანის ალღოც აქვს,რაც მოგვცემს საშუალებას უფრო მეტი მომენტი გამოვიყენოთ"

"ის არის განსხვავებული თავდამსხმელი და აფრიკელი მოგვცემს საშუალებას,რომ ზოგჯერ დავასვენოთ ენტონი მარსიალი და მეისონ გრინვუდი "

"გვსურს შორს წავიდეთ ევროპა ლიგაზე,ასევე გვსურს შორს წავიდეთ FA თასზეც,ამიტომაც გვჭირდებოდა სხვა ტიპის თავდამსხმელიც,მითუმეტეს როდესაც მარკუს რაშფორდი რამოდენიმე ხნით გამოგვაკლდა,მაგრამ როდესაც ის დაბრუნდება ჩვენ სულ სხვა გუნდი ვიქნებით"