პრემიერ ლიგის მეექვსე ტურის შეხვედრაში "მანჩესტერ იუნაიტედი" "ვესტ ჰემს" დაუპირისპირდა. "წითელმა ეშმაკებმა" შეხვედრა 0-2 დათმეს. ოლე გუნარ სოლსკიაერის გუნდი ზედიზედ ცხრა შეხვედრაა გასვლაზე გამარჯვებას ვერ ახერხებს.

Sky Sports-ის ეთერში "მანჩესტერ იუნაიტედის" ყოფილმა მწვრთნელმა, ჟოზე მოურინიომ გუნდის მდგომარეობაზე ისაუბრა.

"არ ვფიქრობ, რომ გუნდი პირველი ორი პოზიციისთვის იბრძოლებს. მათთვის ოთხეულში მოხვედრა და ჩემპიონთა ლიგაზე დაბრუნება კარგი შედეგი იქნება. "იუნაიტედში" ორი სეზონი დავყავი, თავს კარგად ვგრძნობდი, მესამე სეზონში სიტუაცია აირია, შემდეგ კი გამანთავისუფლეს. შესაძლოა, ეს დავიმსახურე, რადგან როგორც მწვრთნელს, პასუხისმგებლობა მეკისრებოდა. სამწუხარო რელობა ისაა, რომ გუნდი ახლა იმაზე უფრო ცუდ მდგომარეობაშია, ვიდრე მაშინ იყო. ხალხს ჰგონია, რომ ეს სიტუაცია მომწონს, თუმცა ასე არაა, "იუნაიტედის" გამო ვწუხვარ." - განაცხადა პორტუგალიელმა სპეციალისტმა.

6 ტურის შემდეგ მანჩესტერული კლუბი პრემიერ ლიგის ცხრილში მე-8 პოზიციას იკავებს და სამი ქულით ჩამორჩება მეოთხეადგილოსან "არსენალს", რომელსაც მომდევნო ტურში "ოლდ ტრაფორდზე" უმასპინძლებს.