როგორც იცით, ჟოზე მოურინიომ მუშაობა Sky Sports-ში დაიწყო. პორტუგალიელი სპეციალისტი ბრიტანული სპორტული ტელევიზიის ექსპერტი გახდა და სტუდიურ გადაცემებში პრემიერ ლიგის წლევანდელი სეზონის მატჩებს განიხილავს.
გუშინდელ შეხვედრას მოურინიომ "ოლდ ტრაფორდის" სტუდიიდან მიადევნა თვალყური. აღსანიშნავია, რომ გულშემატკივარი პორტუგალიელს კვლავ უმღეროდა.
ამ ფაქტს მოურინიოც გამოეხმაურა: "ფანებმა მიმღერეს, რადგან იციან, რომ ეს ბიჭები მათ მე დავუტოვე."
კლუბის ყოფილმა მწვრთნელმა კომენტარი "იუნაიტედის" ფეხბურთელებზეც გააკეთა: "მაგუაიერი დღეს შესანიშნავი იყო. ვფიქრობ, მატჩის საუკეთესო მოთამაშის ჯილდო დამსახურებულად მიიღო. ძალიან ძლიერი იყო და ასეთი თავდაჯერებული მოთამაშის ყოფილა, გუნდისთვის მნიშვნელოვანია. თავიდანვე ვამბობდი, რომ ლინდელოფს გაცილებით მეტი შეეძლო. ვფიქრობ, მაგუაიერთან ერთად კარგ წყვიილს შექმნის. მარკუსი დღეს კარგი იყო, თუმცა ლუკაკუს წასვლის შემდეგ, რეშფორდმა გაცილებით მეტი უნდა გაიტანოს.."
"რამდენ გუნდს აქვს პრემიერ ლიგის მოგების შანსი? ვფიქრობ ოთხს: "სიტის", "ლივერპულს", "ტოტენჰემსა" და "სიტის" რეზერვებს. ჩემპიონთა ლიგაზე მოსახვედრად "იუნაიტედი", "ჩელსი" და "არსენალი" იბრძოლებენ." - განაცხადა მოურინიომ.