ესპანურ მედიაში იტყობინებიან, რომ "მანჩესტერ იუნაიტედმა" ყველაფერი შეათანხმა "სევილიას" ვარსკვლავის, ვისამ ბენ იედერის ტრანსფერის თაობაზე.

ლუკაკუ მთელი გულით წასვლას ითხოვს და მისი აგენტი უკვე გაფრინდა იტალიაში სერია A-ს ერთ-ერთ გრანდთან, "ინტერთან" მოლაპარაკებების გასამართად.

"იუნაიტედმა" ბელგიელის შემცვლელად ბენ იედერი მოიაზრა და ესპანური გამოცემა La Colina de Nervion იუწყება, რომ პსჟ-სა და "ბარსელონას" მხრიდან მისადმი გამოჩენილი ინტერესის მიუხედავად, ფრანგი "ოლდ ტრაფორდზე" გადასვლას ამჯობინებს.

28 წლის ფეხბურთელი ერთ-ერთი ყველაზე საშიშია თავდამსხმელია ლა ლიგის მცველებისთვის - ყველა ტურნირზე ჩატარებულ 51 მატჩში მან წინა სეზონში 30 გოლი გაიტანა.

სწორედ ამიტომ, თუ ლუკაკუ ზაფხულში კლუბს დატოვებს, "იუნაიტედის" ხელმძღვანელობა მას ფრანგით ჩაანაცვლებს და მისთვის გამოსასყიდ 36 მლნ. ფუნტს უყოყმანოდ გადაიხდის.

"ინტერის" ახალმა მწვრთნელმა ანტონიო კონტემ ბელგიელი ფორვარდის შეძენა ჯერ კიდევ 2017 წელს "ჩელსიში" მუშაობისას სცადა, მაგრამ მაშინ "იუნაიტედთან" ბრძოლაში დამარცხდა.

ამჯერად კი "ინტერში" ამ შანსის ხელიდან გაშვებას არ აპირებს და 26 წლის ფეხბურთელის მისაღებად ორ ვარსკვლავსაც განშორდება.

"ინტერს" ფინანსების მოძიება სჭირდება იმისათვის, რომ "იუნაიტედის" მიერ მოთხოვნილი 75 მლნ. ფუნტის გადახდა მოახერხოს, ამიტომ ჟოაო მარიოსა და დალბერტის გასხვისებას გეგმავს.

მაგრამ, როგორც მოსალოდნელია, "ინტერი" პირველ ფორმალურ შეთავაზებას მიმდინარე უქმე დღეებზე გააკეთებს და ეს მხოლოდ 9 მლნ. ფუნტის ოდენობით გაკეთებული საიჯარო შეთანხმება იქნება, რის შემდეგაც 2021 წელს მისი 53 მლნ. ფუნტად შეძენა შეეძლება.

თუმცა, იტალიელები შესანიშნავად აცნობიერებენ, რომ ამ წინადადებას "იუნაიტედი" მაშინვე უარყოფს, ვინაიდან "წითლებს" სრულყოფილი შეთანხმების მიღწევა სურთ.

წყარო: the sun