"მანჩესტერ იუნაიტედის" ბელგიელი თავდამსხმელი რომელუ ლუკაკუ იტალიურ "ინტერში" გადასვლასთან ძალიან ახლოსაა. ინგლისურ მხარესთან ტრანსფერზე მოლაპარაკებები მალე დასრულდება.
თავდაპირველად კონტეს გუნდმა "მანჩესტერ იუნაიტედს" ლუკაკუს სანაცვლოდ 60 მილიონი ევრო შესთავაზა რაზეც უმალ უარი მიიღო. "წითელ ეშმაკებს" შეთავაზებული თანხა ეცოტავათ.
შემდეგი შეთავაზება იყო ბარტერი, რომელიც "ნერაძურუმ" ინგლისელებს წარუდგინა - მაურო იკარდი ან რაჯა ნაინგოლანი + სატრანსფერო თანხით, თუმცა პირველი შეთავაზების მსგავსად ედ ვუდვორდმა ეს შეთავაზებაც დაბლოკა.
როგორც ჩანს "ინტერმა" გამოსავალი იპოვა, რომელუ ლუკაკუ იტალიის სერა ა-ში არენდის წესით გადავა, იტალიური კლუბი "იუნაიტედს" ლუკაკუს არენდის სანაცვლოდ 10 მილიონ ევროს გადაიხდის, ხოლო ფეხბურთელის არენდაზე 2 წლიან უფლებას მოიპოვებს, საბოლოო გამოსასყიდი თანხა ამის შემდგომ 60 მილიონი ევრო იქნება.