ხუან მატამ ახალ კონტრაქტს მოაწერა ხელი, რომლის მიხედვითაც ესპანელი კლუბში 2021 წლის ივნისის ბოლომდე დარჩება. კონტრაქტი გახანგძლივების ერთწლიან შესაძლებლობასაც მოიცავს.
"იუნაიტედში" გატარებული დროის განმავლობაში მატამ ინგლისის თასის, ლიგის თასის, ევროპის ლიგისა და ქომუნითი შილდის ტიტულები მოიგო.
"ჩემთვის დიდი პატივია ახალი კონტრაქტის გაფორმება. მიხარია, რომ ამ ბრწყინვალე კლუბში განვაგრძობ ასპარეზობას, ასეთი დაუჯერებელი გულშემატკივრების წინ. "იუნაიტედში" უკვე ხუთი წელია ვთამაშობ და "ოლდ ტრაფორდი" ჩემი სახლია. ამით ძალიან ვამაყობ."
"ოლე ფანტასტიკური მწრთვნელია, ფანტასტიკური სამწრთვნელო შტაბით. მიხარია და მოუთმენლად ველი მასთან მუშაობას. მათ საოცარი ხედვა აქვთ და დარწმუნებული ვარ, რომ კლუბს ძველ დიდებას ერთად დავუბრუნებთ," - განაცხადა ხუან მატამ.
"ხუანი ნამდვილი პროფესიონალია და ის ერთ-ერთი ყველაზე ინტელიგენტი ფეხბურთელია, ვისთანაც როდესმე მითამაშია. ის ახალგაზრდებისთვის იდეალური ვარიანტია. კარგად ესმის რას ნიშნავს ამ კლუბში თამაში და ყველაფერი კარგად აქვს გაცნობიერებული. მას მთლიანად აქვს გათავისებული "მანჩესტერ იუნაიტედი". მიხარია, რომ მან ახალ კონტრაქტს მოაწერა ხელი. ამ კლუბისთვის მისი ტალანტი და მენტალიტეტი შეუფასებელია," - განაცხადა ოლე გუნარ სოლსკიაერმა.