"წითელი ეშმაკები" 5 000 მილით მეტ მანძილს დაფარავენ, ვიდრე ნებისმიერი სხვა გუნდი.
ოლე გუნარ სულშერის ბიჭებს, წინასასეზონო ტურის ფარგლებში, თითქმის 20 000 მილის დაფარვა მოუწევთ 3 კვირაში მაშინ, როდესაც, მაგალითად "უოტფორდი" მხოლოდ 30 მილით მოშორდება "ვიქერეიჯ როუდს" მთელი ზაფხულის განმავლობაში. წითლები ამ პერიოდში ავსტრალიას, სინგაპურს და ჩინეთს ესტუმრებიან და გამართავენ შეხვედრებს.
"იუნაიტედი" თავდაპირველად დასავლეთ ავსტრალიას ესტუმრება და ქალაქ პერთში ადგილობრივ "პერთ გლორის" დაუპირისპირდება. გარდა ამისა, ისინი ავსტრალიაში, სინგაპურსა და ჩინეთში "ლიდს იუნაიტედს", მილანის "ინტერს", "მილანს" და "ტოტენჰემს" შეხვდებიან.
გუნდის წინა დამრიგებელი ჟოზე მოურინიო ხშირად გამოხატავდა უკმაყოფილებას იმ დიდი მანძილის დაფარვის გამო, რაც მის გუნდს უწევდა. მათ შორის იყო შარშანდელი ტურნე ამერიკაში.
მან შარშანდელი მოგზაურობა დაახასიათა, როგორც "ძალიან ცუდი" და განაცხადა, რომ დასვენების ნაკლები შესაძლებლობა უარყოფითად იმოქმედებდა მის ბიჭებზე, რაც ასეც მოხდა.
ჯერ მსგავსი ჩივილი სულშერისგან არ მოგვისმენია, თუმცა ეჭვგარეშეა, რომ ისიც ისურვებდა "უოტფორდის" მსგავსი განრიგი ჰქონოდა.
ხავი გრასიას ბიჭები მხოლოდ 30 მილს დაფარავენ ამხანაგური შეხვედრის გასამართად, თუმცა ამას შეიძლება ის მანძილიც დავუმატოთ, რასაც უოტფორდელები ავსტრიაში საწვრთნელი შეკრებისთვის გაივლიან.
ეს, რა თქმა უნდა, ყველაზე კონტრასტული შედარებაა, თუმცა "იუნაიტედი" მაინც ყველაზე დიდ მანძილს ფარავს (19 845 მილი), ვიდრე ნებისმიერი მისი მეტოქე.
ამ მონაცემებით ყველაზე ახლოს პრემიერ ლიგის გუნდებიდან "ტოტენჰემ ჰოტსპურია" (14 815 მილი), თუმცა ისინიც კი 5 030 მილით ნაკლებს იფრენენ, ვიდრე წითლები, ეს კი თითქმის იგივე მანძილია, რაც მანჩესტერიდან ლას-ვეგასამდე და რასაც 10 საათი და 45 წუთი სჭირდება.
ქვემოთ შეგიძლიათ იხილოთ, რა მანძილს დაფარავს პრემიერ ლიგის თითოეული გუნდი წინასასეზონო ტურნეზე.
წყარო: The Sun