"მანჩესტერ იუნაიტედის" ყოფილი ფორვარდის ტედი შერინგემის აზრით, უელსელმა ფეხბურთელმა გარეთ ბეილმა "ოლდ ტრაფორდზე" ფიქრი უნდა დაიწყოს. შერინგემის განცხადებით, ბეილი "რეალის" დარწმუნებასა და "სანტიაგო ბერნაბეუზე" დარჩენას ვერ შეძლებს.
"ზიდანი პირდაპირ გამოვიდა და ფაქტობრივად თქვა: "მე ბეილის მოშორება მინდა". თუ მწრთვნელი მას მესამე ცვლილებადაც არ განიხილავს, ეს პირდაპირ იმას ნიშნავს, რომ ბეილის წასვლა სურს."
"გარეთ ბეილი, ალბათ, "იუნაიტედის" ბევრი ფეხბურთელის მსგავსად კუთხეში მიჯდება, სიგარას გააბოლებს და იტყვის: "კარგი, მაშინ ფული მომეცით და წავალ, რადგან მე თქვენთან ხანრგძლივი კონტრაქტი მაკავშირებს."
"მაგრამ არ ვფიქრობ, რომ ამ მიდგომით ამ ბრძოლას გარეთ ბეილი მოიგებს. მე რომ მასთან დაკავშირების შანსი მქონდეს პირდაპირ ვეტყოდი: "დააღწიე მაგ ადგილს თავი. დაანებე თავი 30 მილიონზე ფიქრს, რომელსაც ორ წელში მარტივად გამოიმუშავებ. ეს კლუბი შენ ბედნიერებას არ მოგიტანს, აქ ვერ შეგიყვარებენ და აქ ფეხბურთით ვერ ისიამოვნებ!"
"ვფიქრობ, რომ მან ინგლისში დაბრუნებაზე ფიქრი უნდა დაიწყოს და ჩვენი ინტერესიც განიხილოს," - განაცხადა ტედი შერინგემმა.