"იუნაიტედის" მენეჯმენტსა და კლუბის ესპანელი კიპერის დავიდ დე ხეას წარმომადგენლებს შორის ახალ კონტრაქტზე გამართული მოლპარაკებები ამ დრომდე ჩიხშია შესული, შეთანხმება ვერ ხერხდება, რა სურს დე ხეას?
აქამდე პრესა იუწყებოდა, რომ 28 - წლის კარის დარაჯს ხელფასის მნიშვნელოვნად გაზრდა სურდა, თუმცა დღეს საინფორმაციო წყაროებში სრულიად განსხვავებულ ინფორმაციას ვაწყდებით, დე ხეას გარანტიები სურს.
რა გარანტიებზეა საუბარი? დავიდს სურს, რომ "მანჩესტერ იუნაიტედმა" ყოველ სეზონში ტიტულებისთვის იბრძოლოს და არა სატურნირო ცხრილის ოთხეულში მოხვედრისთვის.
დე ხეას "იუნაიტედთან" კონტრაქტი მომავალი სეზონის დასასრულს ეწურება, ახალი ხელშეკრულების გაუფორმებლობის შემთხვევაში, ის მომავალ სეზონში "ოლდ ტრაფორდს" სრულიად უსასყიდლოდ დატოვებს, ამ ეტაპზე კი მისი კლუბიდან გაშვება არ იგეგმება.