სეზონის დასრულებამდე "მანჩესტერ იუნაიტედის" ერთ-ერთ მთავარ სამიზნეს გერმანული "დორტმუნდის" ინგლისელი ნიჭიერი შემტევი ჯეიდონ სანჩო წარმოადგენდა, მაგრამ, როგორც ჩანს, ეს ტრანსფერი "წითელი ეშმაკებისთვის" მიუღწეველი გახდება, რადგან თავად ფეხბურთელს არ სურს "იუნაიტედის" მაისურის მორგება.
The Independent-ი ავრცელებს ინფორმაციას, რომლის თანახმადაც ცნობილი ხდება ის ფაქტი, თუ რატომ იუარა სანჩომ ინგლისის ყველაზე ტიტულოვან კლუბში გადაბარგება და "ოლდ ტრაფორდზე" ასპარეზობა.
მოგეხსენებათ, "მანჩესტერ იუნაიტედის" მთავარი მწვრთნელის, ოლე გუნარ სოლსკიაერის შეგირდებმა სეზონი წარმატებულ ნოტაზე ვერ დაასრულეს და პრემიერ ლიგის ცხრილის მეექვსე პოზიციაზე განთავსდნენ, რაც ნიშნავს იმას, რომ ნორვეგიელის გუნდი მომავლ წელს ჩემპიონთა ლიგაზე ვერ ითამაშებს.
სწორედ ჩემპიონთა ლიგაზე არყოფნაა მიზეზი, რის გამოც ჯეიდონ სანჩომ "წითელი ეშმაკების" ხელმძღვანელობას გუნდში გადასვლაზე უარი უთხრა და გერმანიაში დარჩენა ამჯობინა.