პოლ პოგბა მზადაა კლუბის დასატოვებლად და ზაფხულში "რეალ მადრიდში" გადასაბარგებლად, მაგრამ ფრანგს, შეიძლება, იმედები გაუცრუვდეს, რადგან "იუნაიტედი" ნახევარცმველში 160 მილიონ ფუნტს ითხოვს, რომლის გადახდასაც "სამეფო კლუბი" არ აპირებს.

"ბარსელონასთან" დამარცხების შემდეგ პოლ პოგბამ "რეალ მადრიდში" თამაშის სურვილი გამოთქვა და ოლე გუნარმა მისი დასარჩენად დარწმუნება ვერაფრით ვერ შეძლო.

ბოლო ექვსი სეზონის განმავლობაში "იუნაიტედი" უკვე მეოთხედ დარჩა ოთხეულის მიღმა და ეს იმედები "წითლებმა" "ჰადერსფილდთან" გაუმარჯვებლობის შემდეგ თავადვე გაინადგურეს. იმის გარდა, რომ პოგბას ჩემპიონთა ლიგაზე თამაში კარიერული წინსვლის გამო სურს, ფრანგი ვერც ჩემპიონთა ლიგის ზონაში მოხვედრის ბონუსს მიიღებს, რაც საერთო ჯამში 1,875 მილიონ ფუნტს შეადგენს.

"იუნაიტედმა" ოფიციალურად განაცხადა, რომ პოგბა არ იყიდება, მაგრამ ბოლო დროს დატრიალებული მოვლენებიდან გამომდინარე აშკარაა, რომ პოლი კლუბს აუცილებლად დატოვებს. თუმცა თუ "წითლებს" ფრანგის გაყიდვა სურთ, ჯერ გასაყიდი თანხა უნდა შეცვალონ.


წყარო: Telegraph