"მანჩესტერ იუნაიტედის" სამიზნეთა სიაში პსჟ-ს თავდამსხმელი ედინსონ კავანი მოექცა. როგორც პრესა იტყობინება, "წითლებს" ძალიან სურთ ფორვარდის შეძენა.
ოლე გუნარ სოლსკიაერს სოლიდურ თანხას გამოუყოფენ სატრანსფერო ფანჯარაზე, ნორვეგიელი კი ეცდება რომ მაღალი დონის ფეხბურთელები დაიმატოს. როგორც გაირკვა, ედინსონ კავანი მისი სურვილების სიაში ერთ-ერთი პირველია.
ინტერესი უფრო და უფრო იზრდება იმ ფაქტიდან გამომდინარე, რომ რომელუ ლუკაკუ, დიდი ალბათობით, კლუბს ზაფხულში დატოვებს. "ჩელსისთან" გამართული მატჩის შემდეგ ბელგიელმა განაცხადა, რომ ჭორებს ყურადღებას არ აქცევს და ჯერ კიდევ "იუნაიტედშია", მაგრამ სამომავლო გეგმებზე სიჩუმეს ინარჩუნებს.
როგორც ფრანგული პრესა იტყობინება, კავანის ძალიან უნდა პრემიერ ლიგაში თამაში და ამ შანსს ხელიდან არ გაუშვებს. ურუგვაელი დიდი ხანია ინტერესდება ინგლისში თამაშით და, შესაბამისად, "მანჩესტერ იუნაიტედის" შემოთავაზებასაც განიხილავს.