"მანჩესტერ იუნაიტედის" მწრთვნელის განცხადებით, მისმა ბიჭებმა დროულად უნდა დაივიწყონ "ევერტონთან" მარცხი და "სიტისა" და "ჩელსისთან" გასამართ მატჩზე კონცენტრირდნენ.

ჩვენ უნდა ვიმოქმედოთ.

"ოთხშაბათს "სიტი" უნდა მივიღოთ "ოლდ ტრაფორდზე" და ეს ყველაზე დიდი გამოწვევაა. "ოლდ ტრაფორდზე", სახლში, ჩვენი ფანტასტიკური გულშემატკივრების წინ. დღეს გულშემატკივრები, უბრალოდ, დაუჯერებლები იყვნენ. ახლა მოკლე მიზნებისთვის ჩვენ "სიტისა" და "ჩელსისთვის" უნდა ვკონცენტრირდეთ. თუ ამ მატჩებს მოვიგებთ, შანსები კიდევ გვაქვს. 12 ქულის მოპოვება შეგვიძლია. მარტივი არც ჩვენთვისაა ასე უბრალოდ მომავალ მატჩზე კონცენტრირება, მაგრამ ამ მარცხს ჩვენი დაცემის უფლებას ვერ მივცემთ. გრძელვადიან პერიოდში, აუცილებალდ ვიფიქრებთ ამ ყველაფერს, მაგრამ ახლა მხოლოდ "სიტისა" და "ჩელსიზე" უნდა ვკონცენტრირდეთ."

"ევერტონი" ჩვენზე უკეთეს ფორმაშია.

"ფიზიკური მომზადების თვალსაზრისით ჩვენ კარგთან მიახლოებულიც არ ვართ. ერთი სული მაქვს, როდის დაიწყება წინა-სასეზონო სამზადისი. ჩვენ ძალიან კარგად ვიმოქმედეთ და კარგად ვიმუშავეთ და სწორედ ამიტომ მოვედით იქ, სადაც ვართ. ფეხბურთის მოსაგებად მხოლოდ ნიჭი არ არის საკმარისი, ფიზიკური მომზადებაც გჭირდება, რაზეც ძალიან ბევრი უნდა იმუშავო. მე ეს ადრეც ვთქვი და ახლაც აღვნიშნავ, რომ მსურს, ჩემი გუნდი ყველაზე მშრომელი გუნდი იყოს ლიგაში, სწორედ ისე, როგორც სერ ალექსის დროს იყო. ასეთები ვიყავით მუდამ. ჩვენ გვყავდა გიგზი, ბექსი, გარი ნევილი, ირვინი, ყველა... მაგრამ არ აქვს მნიშვნელობა, თუ როგორ ნიჭს ფლობ, მაინც ყველაზე მეტი უნდა იმუშავო. ყოველ კვირას უნდა იბრძოლო, იშრომო მანამ სანამ იმ ფორმაში არ ჩადგები, რომელშიც უნდა იყო."

ვწუხვარ გულშემატკივრების გამო.

"სასტვენის ჩასტვენის მომენტიდან ყველაფერი არასწორად წავიდა. მე უბრალოდ ბოდიში მინდა, რომ მოვუხადო გულშემატკივრებს. დღეს ისინი ერთადერთი არიან, რომლების მაისურსაც "მანჩესტერ იუნაიტედის" ლოგო ამშვენებს და მაინც შეუძლიათ, რომ ამაყი იყვნენ, რადგანაც ჩვენ ამის უფლება არ გვაქვს, ჩვენ თავაწეულები ვერ ვიქნებით."

ამაში ყველა ერთად ვართ.

"ჩვენ, როგორც გუნდი, უნდა გავერთიანდეთ. მთლიან შემადგენლობას ვერ შევცვლით. ნაბიჯ-ნაბიჯ უნდა ვიაროთ. მე ყოველთვის ვამბობდი და კიდევ ვიტყვი, რომ მე აქ წარმატებული ვიქნები. არსებობენ ფეხბურთელები, რომლებიც ამ წარმატებული გუნდის ნაწილი ვერ იქნებიან, მაგრამ არსებობენ ისეთებიც, ვინც იქნებიან. როცა მოვედი ჩვენ "ევერტონს" მხოლოდ ორი ქულით ვუსწრებდით. მე არანაირ ილუზიებში არ ვიყავი და არ ვფიქრობდი, რომ ან ლიგის მოგებას შევძლებდით, ან სამეულისთვის ასე ვიბრძოლებდით. თუ ცხრილს შეხედავთ დაინახავთ, რომ იგივე ადგილზე ვართ, მაგრამ ქულათა სხვაობა საგძნობლად შემცირდა. რაც შეეხებათ გულშემატკივრებს, მათ უნდა იცოდნენ, რომ თუ ამ კლუბში თამაში სურთ, ყველაფერი უნდა გაიღონ, რადგან "მანჩესტერ იუნაიტედის" მაისურით თამაში საერთოდ ყველაფერს ნიშნავს. ეს მათ უნდა იგრძნონ, ისევე როგორც გრძნობენ ჩვენი გუშემატკივრები, ხალხი, რომლებიც 90 წუთის განმავლობაში არ გაჩერებულა, არც თამაშის შემდეგ შეუწყვიტავთ სიმღერა. კიდევ ერთხელ ვიტყვი, რომ ისინი დაუჯერებლები არიან."

იგრძენით საკმარისი ტკივილი ფეხბურთელებისგან?

"არ ვიცი. ეს მათ უნდა ჰკითხოთ, მე უკვე ვკითხე. ჩემგან ამაზე პასუხს ვერ მიიღებთ. რა თქმა უნდა, თუ ამ კლუბში თამაშობ, წაგება უბრალოდ წაგება არ არის და ყველაფერი გაცილებით უფრო მეტს ნიშნავს, ვიდრე ჩვეულებრივი ემოციებია."

მათ გამარჯვება დაიმსახურეს.

"ჩემთვის გასაკვირი საერთოდ არ არის, რომ "ევერტონმა" გაცილებით მეტი ირბინა, ვიდრე - ჩვენ. ეს მხოლოდ სირბილზე არ არის, ეს თამაშში მთელი სხეულით ჩართულობაზეა. დაცვა, კუთხურები, წინ წაწევა, გამართული მოძრაობა. ფეხბურთის თამაშის მოგება გტკივა, გტკივა და ისე იგებ. დღეს "ევერტონისგან" ძალიან შორს ვიყავით. მათ დამსახურებულად მოგვიგეს და ვულოცავ ამ გამარჯვებას."


წყარო: ManUtd.com