მადრიდულ გრანდში, "მანჩესტერ იუნაიტედისთვის" შესათავაზებელი წინადადებები, დღითიდღე უფრო მრავალფეროვანი და ინგლისური გრანდისთვის სულ უფრო და უფრო მიმზიდველი ხდება.
ამჯერად, ფლორენტინო პერესის კლუბი, პოლ პოგბას ტრანსფერისთვის ორ ფეხბურთელს ამზადებს. ფეხბურთელების გვარები მართლაც, რომ ხმაურიანია - რაფაელ ვარანი და გარეთ ბეილი სწორედ ის ფეხბურთელები არიან, რომლებმაც შესაძლოა კარიერა ინგლისის ყველაზე ტიტულოვან კლუბში განაგრძონ. ინფორმაციას Marca - ავრცელებს.
გავრცელებული ინფორმაციების თანახმად პოგბას, "წითელი ეშმაკებისგან" ახალი გაუმჯობესებული კონტრაქტის მიღება სურს, სადაც ხელფასის შესამჩნევი ზრდა იქნება დაფიქსირებული.
მიმდინარე ხელშეკრულებით, ფრანგის დარჩენა "ოლდ ტრაფორდზე" 2021 წლამდეა გათვალისწინებული, თუმცა "იუნაიტედს" ზაფხულში, პოგბას თაობაზე ფართომასშტაბიანი შეთავაზებების მოსმენაც მოუწევს.