ფეხბურთელები, რომლებიც "ოლდ ტრაფორდს" დიდი ალბათობით ზაფხულში დატოვებენ.
"მანჩესტერ იუნაიტედი" ზაფხულში ბოლო წლების განმავლობაში ყველაზე მეტ ფეხბურთელს გაუშვებს. როგორც "Sky Sports" იტყობინება, საზაფხულო ტრანსფერებზე "ოლდ ტრაფორდს" ექვსი "ეშმაკი" დატოვებს.
ეს ყველაზე დიდი "წმენდა" იქნება "იუნაიტედში" ვან გაალის საზაფხულო სატრანსფერო პოლიტიკის შემდეგ. შეგახსენებთ, რომ ჰოლანდიელმა 2015 წლის ზაფხულში ექვსი ფეხბურთელი გაუშვა, მათ შორის ანხელ დი მარია, რობინ ვან პერსი და ხავიერ ერნანდესიც.
"Sky Sports"-ის წყაროებზე დაყრდნობით, ანდერ ერერას მომავალი პსჟ-ს უკავშირდება, ხოლო ხუან მატა ესპანეთში ბრუნდება და მის ბედს "ბარსელონას" უკავშირებენ.
რაც შეეხება ალექსის სანჩესს, მან "იუნაიტედში" მოლოდინები ვერ გაამართლა. შეგახსენებთ, რომ ჩილელი "წითლებმა" 2018 წლის იანვარში მხითარიანში გაცვალეს.
ოლე გუნარ სოლსკიაერი საბოლოო განცხადებას სანჩესზე უახლოეს მომავალში გააკეთებს. გარდა ამისა "იუნაიტედს" ზაფხულში დატოვებს ანტონიო ვალენსიაც.
საეჭვოა მარკუს როხოს მომავალიც. არგენტინელმა ბოლო მატჩი "იუნაიტედის" მასიურით ჩემპიონთა ლიგაზე "ვალენსიას" წინააღმდეგ ჩაატარა.
რაც შეეხება მათეო დარმიანს, მას სერია A-ში დაბრუნებას უწინასწარმეტყველებენ, მის პოზიციაზე კი ეშლი იანგი და დიოგო დალო რჩებიან.
წყარო:
SkySports