დიდი ალბათობით, ზაფხულის სატრანსფერო ფანჯრის გახსნისთანავე, ოლე გუნარ სოლსკიაერის გუნდის რიგებში მატება იქნება. "წითლებს" გამოცდილი ცენტრალური მცველის დამატება სურთ.

როგორც ჩანს, კლუბის მენეჯმენტმა აღნიშნული პოზიციის ფეხბურთელს იტალიაში მიაგნო და მისთვის, კოლოსალური სატრანსფერო თანხის გამოყოფასაც არ დაზარდება.

Gazzetta dello Sport-ი ავრცელებს ინფორმაციას, რომელზე დაყრდნობითაც, შეიძლება იმის თქმა, რომ გლეიზერების გუნდი, ნეაპოლურ კლუბს, კალიდუ კულიბალის სანაცვლოდ, 150 მილიონ ევროს შესთავაზებს.

შეგახსენებთ, რომ სენეგალელისთვის მადრიდის "რეალი", გერმანული "ბაიერნი" და რომან აბრამოვიჩის "ჩელსიც" იბრძვის.

მიმდინარე სეზონში, კულიბალიმ იტალიის ჩემპიონატში 26 შეხვედრის ჩატარება მოახერხა.