სანაკრებო შესვენებებზე "იუნაიტედის" შვიდი ფეხბურთელი გავიდა სანაკრებო მოვალეობის შესასრულებლად. ნაკრებში გამოიძახეს ლუკ შოუ და ენტონი მარსიალიც, თუმცა მათ ტრავმების გამო სახლში დაბრუნება მოუწიათ.
დღევანდელი ინფორმაციით, ლაზარეთს შეემატა და ნაკრებს გამოეთიშა ნემანია მატიჩიც. "იუნაიტედს" რთული მდგომარეობა აქვს.
როგორც "SkySports" იუწყება, ტრავმირებულთა სიაში მოხვდა ბელგიელი რომელუ ლუკაკუც. ბელგიის ნაკრების მწრთვნელის რობერტო მარტინეზის განცხადებით, ტერფის ტრავმის გამო ევროპის ჩემპიონატის საკვალიფიკაციო თამაშს გამოტოვებს. თუმცა რომელუ უკან არ დაბრუნებულა და შესაძლოა, რომ ბელგიის მეორე მატჩი ჩაატაროს.
ბელგია შემდეგ მატჩს 24 მარტს გამართავს კვიპროსის წინააღმდეგ. სავარაუდოდ, ლუკაკუ ამ დროისთვის უკვე ფორმაში იქნება.
შეგახსენებთ, რომ რომელუს სამედიცინო დახმარებას ბელგიის ნაკრები უწევს და მან ტერფის ტრავმის გამო "იუნაიტედის" ბოლო მატჩი ვერ ჩაატარა.