წყაროების მიხედვით, მანჩესტერული კლუბები მოუთმენლად ელიან როდის დააყენებს ტრანსფერზე "ბარსელონა" ფრანგ მცველს, რაზეც ლაპარაკი უკვე დაიწყო. უკვე ცნობილია რომ კატალონიელები აპირებენ 25 წლის მოთამაშეზე შემოთავაზებები განიხილონ.
უმტიტი სრულ მზადყოფნაში ახლახანს დაბრუნდა და დიდიე დეშამმა ის ნაკრებში გამოიძახა კლემან ლანგლესთან და აიმერიკ ლაპორტესთან ერთად. ამის მიუხედავად,
Calciomercato-ს ცნობით "ბლაუგრანა" წინააღმდეგი არაა მას წასვლის ნება დართოს, მითუმეტეს "ლიონიდან" ის სულ რაღაც €20 მილიონის სანაცვლოდ გადმოიბირეს სამი წლის წინ.
ამ ყველაფერში ყველაზე დიდი წვლილი 19 წლის კაპიტანს ამსტერდამიდან, მატიას დე ლიგტს მიუძღვის, რომელმაც უდიდეს როლი შეასრულა მადრიდის "რეალის" ლიგიდან გამოგდებაშიც.
მას შემდეგ რაც "ლურჯ-ბროწეულისფრებმა" დე იონგი გაიფორმეს, ეჭვგარეშეა რომ მისი უახლოესი მეგობრის გადმოყვანაც არ გაუჭირდებათ.
კატალონიელთა დაცვის ხაზში ირიცხებიან - ჟერარდ პიკე, კლემან ლანგლე, ჟან-კლაირ ტოდიბო, ჯეისონ მურილიო და ტომას ვერმალენი, ამ ფეხბურთელებს კი შეიძლება უმტიტი შეეწიროს. ამის ფონზე "სიტი" და "იუნაიტედი" დადარაჯებულნი არიან.
მისი შეძენა ორივეს სჭირდება, "სიტის" აუცილებლად დაეხმარება მენდი, მანგალა და ლაპორტი, რომლებიც უმტიტის კარგად იცნობენ და ამან შეიძლება გავლენა იქონიოს მის გადაწყვეტილებაზე, თავის მხრივ "იუნაიტედს" პოლ პოგბა და ენტონი მარსიალი ჰყავს. თუმცა
Sunsport-ის განცხადებით, შეიძლება "ქალაქელებს" სატრანსფერო ბანი დაემუქროთ მისი შეძენის შემთხვევაში, ამიტომ უპირატესობა ალბათ "მანკუნიანელების" მხარესაა
წყარო:
Thesun.co.uk