უდავოა, რომ ჟოზე მოურინიოს დატოვებული "მანჩესტერ იუნაიტედი", გუნდის ამჟამინდელმა თავკაცმა, ოლე გუნარ სოლსკიაერმა იმ კრიზისიდან ამოიყვანა, რასაც ზოგადად გუნდი და ფეხბურთელები გრძნობდნენ პორტუგალიელის კლუბში ყოფნის დროს.
"მკვლელი ბავშვის სახით" შეცვლაზე წარმატებით შემოვიდა, "იუნაიტედმა" მოგებული მატჩების სერია მნიშვნელოვნად გაზარდა და შედეგად, მათ ოთხეულშიც დაისაკუთრეს ადგილი, იმ ოთხეულში, რომელიც თავის დროზე "განსაკუთრებულს" წარმოუდგენელიც ეგონა, რა თქმა უნდა გუნდში არსებული სიტუაციიდან გამომდინარე.
სოლსკიაერისთვის ყველაფერი კარგად მიდიოდა – მიდიოდა, რადგან ჩემპიონთა ლიგის მატჩში "ოლდ ტრაფორდზე" პარიზელებთან განცდილმა მარცხმა, პრესის ფურცლები ახალი სპეკულაციებით აალაპარაკა.
Evening Standard - ის მიერ გავრცელებული ინფორმაციით, კლუბის ხელმძღვანელობისთვის, "ტოტენჰემის" არგენტინელი თავკაცი მაურისიო პოჩეტინო, ოლე გუნარ სოლსკიაერის შემცვლელის მთავარი კანდიიდატია.
ედ ვუდვორდი მზად არის "დეზებს" სპეციალისტის კონტრაქტის შეწყვეტის სანაცვლოდ 38,5 მილიონი ევრო გადაუხადოს.