როგორც გავლენიანი ბრიტანული გამოცემა BBC-ი იუწყება, "მანჩესტერ იუნაიტედის" მცველი, ეშლი იანგი 1-წლიან კონტრაქტის გახანგრძლივებასთან ახლოსაა.
33 წლის ფეხბურთელს კლუბთან მიმდინარე კონტრაქტი ზაფხულში ეწურება. როგორც წყარო იუწყება, ფეხბურთელსა და კლუბს შორის მოლაპარაკებები წარმატებით მიმდინარეობს, ვეტერანი მცველი კლუბში კიდევ ერთი წლით დარჩება.
ინგლისელი "წითელ ეშმაკებს" 2011 წელს, "ასტონ ვილადან" შეუერთდა. მანჩესტერელებს მისი გადმობირება 17 მილიონი ფუნტი დაუჯდათ. იანგის მანჩესტერული კარიერა 228 მატჩს ითვლის, სადაც 17 გოლის გატანა და 48 საგოლე გადაცემის გაკეთება მოახერხა.
მიმდინარე სეზონში იანგმა ყველა ტურნირზე 25 შეხვედრა ჩაატარა, 1 გოლი გაიტანა და ორი საგოლე გადაცემა მიითვალა. ანტონიო ვალენსიას არყოფნის გამო, რამდენიმე მატჩში გუნდის კაპიტნადაც მოგვევლინა.