გაიმეორებს თუ არა ოლე გუნარი სერ ალექს ფერგიუსონის გზას.
სერ ალექს ფერგიუსონის შემდეგ ოლე გუნარი, შესაძლოა, პირველი მწრთვნელი გახდეს, რომელიც პრემიერ ლიგის თვის საუკეთესო მწრთვნელის ჯილდოს მოიგებს.
სოლსკიაერმა ხუთი გამარჯვება მოიპოვა "ტოტენჰემისა" და "არსენალის" ჩათვლით, ხოლო ერთი თამაში ფრედ ითამაშა "ბარნლის" წინააღმდეგ.
პეპ გვარდიოლას იდეალური თვე "ნიუკასლის" სიურპიზმა გაუფუჭა. რაც შეეხება "ბარნლის" მწრთვნელს, შონ დაიჩს, ის ყველაზე ძლიერი კონკურენტია ოლე გუნარისთვის, რადგან ამ თვეში საოცარი მატჩები ჩაატარა.
"იუნაიტედმა" იანვრის თვე "ნიუკასლის" დამარცხებით დაიწყო. "წითლებმა" მოწინააღმდეგე მხარე 2-0 ანგარიშით დაამრაცხეს. ამის შემდეგ "იუნაიტედმა" "ტოტენჰემი" "უემბლიზე" დაამარცხა მინიმალური სხვაობით. შემდგომ კი "ბრაიტონს" უმასპინძლა და 2-1 ანგარიშით გაიმარჯვა.
შემდეგი მატჩი ოლეს შეგირდებმა "არსენალის" წინააღმდეგ ჩაატარეს, რაც მართალია, ინგლისის თასის თამაში იყო, მაგრამ მიღებული შედეგიდან გამომდინარე, აუცილებლად აღსანიშნავია. უნდა ვისაუბროთ ასევე "ბარნლისთან" გამართულ მატჩზე. მართალია, "იუნაიტედმა" სამი ქულის მოპოვება ვერ მოახერხა, თუმცა სამ წუთში ორი გოლის გატანა შეძლო, საოცარი ქამბექი აჩვენა და ოლე გუნარმა დაუმარცხებელის ტიტულიც შეინარჩუნა.
მართალია, "იუნაიტედი" ჯერ კიდევ მეექვსე ადგილზეა, თუმცა ოლე გუნარის მოსვლის შემდეგ 11 ქულიანი სხვაობა ორ ქულამდე შემცირდა. შეგახსენებთ, რომ 22 დეკემბერს ოლეს გამოჩენის შემდეგ, "იუნაიტედმა" რვა თამაში მოიგო ერთი კი ფრედ ითამაშა.
რაც შეეხება სერ ალექს ფერგიუსონს, მან თვის საუკეთესო მწრთველის ტიტული 27-ჯერ მოიგო. დაახლოებით, არსენ ვენგერზე ორჯერ უფრო მეტჯერ.
წყარო:
M.E.N.