თბილისი:
მანჩესტერი:
26-01-2019, 10:49
ავტორი: RedGirl,
ნანახია: 1837,
კომენტარები: 17
"სამუშაო ჯერ კიდევ ძალიან ბევრი გვაქვს"
ოლე გუნარის სრული პრესკონფერენცია.
ოლე გუნარ სოლსკიაერმა "იუნაიტედის" შემტევი შემართება შეაქო. "წითლებმა" კიდევ ერთი გამარჯვება მოიპოვეს "არსენალის" წინააღმდეგ და "ინგლისის თასის" მეხუთე ეტაპზე ადგილი გაინაღდეს.

აღნიშნული მატჩი ოლე გუნარისთვის მერვე თამაშია. ნორვეგიელი ჯერ კიდევ დაუმარცხებელია. იხილეთ სოლსკიაერის მატჩის შემდგომი პრესკონფერენცია:

ყველა ფეხბურთელს ვენდობი.


"ძალიან კარგია, როცა ბევრი კარგი ფეხბურთელი გყავს, მაგრამ თან ეს საქმეს ართულებს. არცერთის დატოვება არ მინდა ხოლმე. ძალიან რთულია, რადგან ყველაფერზე ფიქრობ. მაგალითად, დავიდ დე ხეა. ის მსოფლიოში საუკეთესოა. უნდა ვათამაშო მხოლოდ იმიტომ, რომ ეს უბრალოდ დიდი მატჩია? არა, რადგან ყველა ფეხბურთელს უნდა ენდო თუ კლუბში გყავს, თუ არადა მათი გუნდში ყოფნის მიზეზი არ მესმის."

განწყობა შესანიშნავი იყო.


"ალექსისმა შესანიშნავად დაასრულა შეტევა და პირველი გოლი მოგვიტანა. არ შემიძლია, რომ არ აღვნიშნო რომელუ ლუკაკუს გოლი. სწორედ ამ მომენტამდე ჩემთვის ვფიქრობდი, "რომელუ, შენ საჯარიმოში უნდა იყო!" თუმცა სწორედ ამ დროს გააკეთა ფანტასტიკური გადაცემა. მეორე და მესამე გოლებიც ბრწყინვალე იყო, "მანჩესტერ იუნაიტედის" კლასიკური კონტრშეტევები. ჩვენ თავი კარგად უნდა დაგვეცვა, რაც შესანიშნავად მოვახერხეთ. ბევრად უკეთ ვითამაშეთ, ვიდრე "ტოტენჰემთან", უფრო სტრუქტურულად და უფრო დალაგებულად. ძალიან კარგად დავიცავით თავი და განწყობაც შესანიშნავი იყო, მუდმივად წინ მივიწევდით, რაც ფანტასტიკურია."

დიდებული ნაბიჯი გადავდგით წინ.


"გუნდი სტრუქტურულად ბევრად უფრო უკეთესად იყო მოწყობილი ვიდრე "ტოტენჰემთან". "უემბლიზე", ფაქტობრივად, დავიდ დე ხეამ გვიხსნა. დღეს სერხიო რომერომ ფანტასტიკური სეივი გააკეთა მეორე ტაიმის დასაწყისში, თუმცა ჩვენ ამ ყველაფერზე ვმუშაობდით. კარგი გუნდის წინააღმდეგ თავის დაცვა გაცილებით უფრო უკეთ უნდა შევძლოთ. თუმცა დღევანდელ დღეს ბევრად უფრო განვითარებულები ვართ და წინ დიდი ნაბიჯი გადავდგით."

კონტრ-შეტევები "არსენალის" წინააღმდეგ.


"ეს ამ თამაშის განუყოფელი ნაწილია. თუ გადახედავთ ისტორიას და თამაშებს, სადაც "არსენალის" წინააღმდეგ გვითამაშია, ეს სწორედ ასე ხდებოდა. მე მახსოვს, თავად გავიტანე გოლი 1997 წელს კონტრშეტევაზე. ამ მომენტში ჩვენ კუთხურისგან თავდაცვას ვცდილობდით. ყველაფერი გიგზმა დაიწყო, კარელს გადასცა ბურთი, რომელმაც ენდი კოულს გაუკეთა პასი, ენდი კოულმა კი მე. ყველამ იცის ფანტასტიკური "ჩემპიონთა ლიგის" გოლის შესახებ 2009 წელს. ეს პარკის, რონალდუსა და რუნის შექმნილი იყო. შრეკსა და პარკს კიდევ არაერთი მომენტი შეუქმნიათ. ასე რომ ეს ამ თამაშის განუყოფელი ნაწილია."

რომელუ მარჯვენა ფლანგზე.


"რომს ამ პოზიციაზე ბელგიაში და "ევერტონში" აქვს ნათამაშები და სხვათაშორის სწორედ "არსენალის" წინააღმდეგ. ჩვენ ყველამ ვიცით რამდენად ძლიერია ის და როგორ შეუძლია მთლიან მოედანზე მოძრაობა. ის მარტივად იჭერდა ბურთს და სხვა ფეხბურთელებს თამაშში რთავდა. ალექსისს კი ფანტასტიკური პასი გაუკეთა. ალექსისმა კი შესანიშნავად შეასრულა თავისი საქმე."

შოუმ მეორე გოლში კარგი როლი ითამაშა.


"ის ფანტასტიკური იყო. ყველამ დაინახეთ მეორე გოლზე როგორ იმოქმედა. პანიკის ნაცვლად ბურთი დაიჭირა, რომელუს გადააწოდა, რომელმაც შემდეგ კიდევ ერთი ასისტი გააკეთა და საბოლოოდ ჯესიმ ეს კონტრშეტევა გოლად გარდაქმნა. ის ბრწყინვალე იყო."

ალექსისი უფრო და უფრო გაუმჯობესდება.


"რაც უფრო მეტი თავდაჯერებულობა გაქვს, როგორც ფეხბურთელს, უფრო მეტად გინდა მოედანზე შესვლა, ვარჯიში, მუშაობა უფრო და უფრო მეტად და, რა თქმა უნდა, მეტად ენდობი საკუთარ თავს. მას ბოლო დროს ტრავმა ტანჯავდა, ასე რომ ძალიან მიხარია 65/70 წუთის თამაში რომ შეძლო. ის უფრო და უფრო გაუმჯობესდება და ვფიქრობ, ეს თავადვე იცის."

ჯესი დიდი მატჩების მოთამაშეა.


"ეს მან ინგლისის ნაკრებშიც აჩვენა და ჩვენთანაც. ის ყოველთვის ჩნდება გოლით და მის შემადგენლობაში დაყენებაზე არასდროს ვყოყმანობ. ის ჩვენი აღზრდილია და ძალიან კარგად იცის ისტორია, კლუბი და საერთოდ ყველაფერი, რაც "მანჩესტერ იუნაიტედს" შეეხება. ჩვენ ის ძალიან გვიყვარს."

აღნიშვნა კარგია.


"ფეხბურთელების აღნიშვნა იმის დამადასტურებელია, რომ ისინი ბედნიერები არიან. ეს შესაძლოა შენი კარიერის ბოლო გოლი იყოს, ასე რომ თითოეული მათგანი უნდა აღნიშნოთ ისე, როგორც ბოლო."

სახლში თამაში იდეალური იქნებოდა.


"დღეს ჩვენ ერთ-ერთი ფავორიტი დავამარცხეთ და თუ გსურთ ამ ტურნირში გამარჯვება, ერთი ან ორი შესაბამისი მატჩი უნდა ჩაატაროთ და დღეს სწორედ ესეთი მატჩები გვქონდა. კარგი იქნებოდა, თუ შემდეგი რაუნდი სახლში მოგვიწევს. გულშემატკივრები ბრწყინვალენი იყვნენ. მუდმივად მესმოდა მათი ხმა და მიხარია, რომ მანჩესტერში გამხიარულებულები დაბრუნდებიან."


წყარო: ManUtd.com
პრესკონფერენცია
17 კომენტარი
№1
ავტორი: Svani
26 იანვარი 2019 11:06
  • სიახლეები: 1057
  • კომენტარები: 2421
გრძელვადიანი კონტრაქტი ოლეს !!!
2
№2
ავტორი: ROI
26 იანვარი 2019 11:07
  • სიახლეები: 0
  • კომენტარები: 481
Olee imena psoqologixar magarixar
1
№3
ავტორი: stepno
26 იანვარი 2019 11:10
  • სიახლეები: 0
  • კომენტარები: 3885
ოლე ყოველგავარ მოლოდინს გადააჭარბე love
1
№4
ავტორი: Malboro463
26 იანვარი 2019 11:25
  • სიახლეები: 0
  • კომენტარები: 4492
მატა დულ ამომიგდო სასტავიდან
0
№5
ავტორი: giorgisamnidze99
26 იანვარი 2019 11:44
  • სიახლეები: 0
  • კომენტარები: 950
ბარლი ლესტერი ფულჰემი 9 ქულიდან ყველა მოიტა სტანოკზე ... ჩვენი ბულკები ჩვენიოოო საღოლ ოლეს ნამდვილად უნდა მოცენ 2 წლიანი სეზონის ბოლოს სადაც იმ ქექეჩებს ქონდათ სამ სამი წელი მოიეს ვანგალს და მოურინიოს ოლემ 3 კვირაში ჩახადა სამივეს იმხელა გამოცდილებიან ტრენერებს მათ არ უყვარდათ მანჩესტერი და მაგაში იყო საქმე გუნდზე და მის ისტორიაზე არ უფიქრიათ არასდროს არ ფიქრობდნენ თუ რა სტილს თამაშობდა მანჩესტერი ყოველთვის არ აკვირდებოდნენ გუნდის ფილოსოფიას.. აი ზუსტად მოვიდა ბაბუს ჯარისკაცი და აქცია გუნდათ გრანდათ დაამსგავსა გუნდი... საღოლ ოლე შექების მეტი ვერაფერს ვერ დაწერს კაცი.... გამოვიდა ფეხბურთელები ზომბობისგან და ლაღად თამაშობენ
2
№6
ავტორი: kobinio
26 იანვარი 2019 11:47
  • სიახლეები: 17
  • კომენტარები: 1470
გუშინ მაგარად გამისწორდა მეორეტაიმში არსენალმა დაწოლა რო დაიწყო ოლემ დაცვის მაგივრად ორი შემტევი რო გამოიყვანა და გოლიც შეაგდო მარსომ,აი ეს მაგარი ხოდი იყო.მეექვსე მცველი არ დააყენა და მთელი 30 წუთი დარტყმულებს არ იგერიებდნენ.ტაკტიკურად ყველა თამაშზე იზრდება გუნდი და იმედია ელის ბოლომდე კიდე დაიხვეწებიან
2
№7
ავტორი: mishiko1
26 იანვარი 2019 12:59
  • სიახლეები: 0
  • კომენტარები: 114
ამაზე კარგ მწვრთნელს ვის ნახავენ? გაუფორმონ სეზონის ბოლოს 3-წლიანი და ეგარის, ოლეს წარმატებები მისი მანიუსადმი დიდი სიყვარულიდან გამომდინარეობს და იცის ფეხბურთელებს როგორ მოუდგეს. დაცვაში მართლა გვიჭირს ეს ყველა თამაშში ჩანს.
0
№8
ავტორი: devidi
26 იანვარი 2019 13:04
  • სიახლეები: 0
  • კომენტარები: 88
ოლეს მართლა საღოლ იცის როგორ უნდა მიუდგეს საქმეს.
მაგრამ არსენალი მეცოდება საერთო ჯამში ორი ცენტრარული მცველი დაემტვრა და მათი ძლიერი მხარე ვერ დავინახეთ ფაქტიურათ შეტევა ვერ გააძლიერეს.
0
№9
ავტორი: ALEXFERGUSON
26 იანვარი 2019 13:25
  • სიახლეები: 0
  • კომენტარები: 715
ციტატა: devidi
ოლეს მართლა საღოლ იცის როგორ უნდა მიუდგეს საქმეს.
მაგრამ არსენალი მეცოდება საერთო ჯამში ორი ცენტრარული მცველი დაემტვრა და მათი ძლიერი მხარე ვერ დავინახეთ ფაქტიურათ შეტევა ვერ გააძლიერეს.

კაცურად შეტევა ვერ გააძლიერა რო ამბობ,ვითი უნდა გაეძლიერებინა? ვინ ყავდა სკამზე რო შემტევი? ოზილი? შემოიყვანა კიდე? ელნენი? გოუნდუზი?ლენო?:) ლიხშტაინერი? მონრეალი? მუსტაფი? აქედან რომელი გააძლიერებდა შეტევას
1
№10
ავტორი: ikeoni
26 იანვარი 2019 14:35
  • სიახლეები: 0
  • კომენტარები: 6676
Martla yvelanair molodins gadaacharba olem❤️
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

18 თებერვალი 2019, 23:30
ჩელსი
იუნაიტედი
ინგლისის თასი
23 თებერვალი 2019, 19:00
იუნაიტედი
ლივერპული
პრემიერ ლიგა
27 თებერვალი 2019, 00:00
კრისტალ პალასი
იუნაიტედი
პრემიერ ლიგა
ჩელსი18 თებერვალი
ლივერპული23 თებერვალი
კრისტალ პალასი27 თებერვალი

წინა მატჩები

12 თებერვალი 2019, 23:59
იუნაიტედი0
პსჟ2
ჩემპიონთა ლიგა
9 თებერვალი 2019, 16:30
ფულემი0
იუნაიტედი3
პრემიერ ლიგა
3 თებერვალი 2019, 18:05
ლესტერი0
იუნაიტედი1
პრემიერ ლიგა
პსჟ12 თებერვალი
ფულემი9 თებერვალი
ლესტერი3 თებერვალი

პრემიერ ლიგა

ჩამოშლა
ყველა უფლება დაცულია

© MANUTD.GE 2012

Top