დღევანდელი სავარჯიშო სესია პოლმა და ნემანიამ შვილის შეძენის გამო გამოტოვეს, 30 წლის სერბმა ორშაბათს თავისი ახალშობილი გოგონას - ანიკას ფოტო ინსტაგრამზეც ატვირთა.
პოგბას შეყვარებული კი შვილის გაჩენას დღე-დღეზე ელოდება და ახლა ერთად არიან. თუმცა ისინი აუცილებლად დაბრუნდებიან შაბათის მატჩისთვის.

ალექსის სანჩესმა გამოტოვა ''სპურსსთან'' მოგებული მატჩი, მაგრამ ფანებისთვის სასიხარულოდ, ჩილელი სრულ ვარჯიშს დაუბრუნდა. ალექსისს, რომელსაც ამ სეზონში მხოლოდ 1 გატანილი ბურთით შეუძლია თავის მოწონება, ტრავმა დიდი ხნის მანძილზე აწუხებდა. ტრავმა აწუხებდა კრის სმოლინგსაც, რომელმაც დუბაის მოგზაურობა გამოტოვა, მაგრამ ის დააფიქსირეს სავარჯიშო ბაზაზე. მოახერხებს თუ არა ''ბრაიტონის'' წინააღმდეგ გამოსვლას, ცნობილი არაა.

შეგახსენებთ, რომ ბოლო 28 წლის მანძილზე ყველაზე ცუდი სტარტის შემდეგ, ''იუნაიტედმა'' ზედიზედ 6 ასპარეზობაში შეძლო გამარჯვების მოპოვება და ამ დროისთვის მეექვსე პოზიციას იკავებს პრემიერ ლიგის ცხრილში, მეხუთეადგილოსან ''არსენალთან'' ერთად ''ეშმაკებსაც'' 41 ქულა აქვთ. ოთხეულამდე კი ექვსი ქულა აშორებთ.

წყარო:Thesun.co.uk