სერ ალექს ფერგიუსონმა "მანჩესტერ იუნაიტედის" ფეხბურთელებს ემოციურად მიმართა და უთხრა, რომ მათ კვლავ შეუძლიათ ეს კლუბი დიდებულად აქციონ.
შოტლანდიელის მოწვევა ოლე გუნარ სოლსკიაერის იდეა იყო, რათა ფეხბურთელებში სულისკვეთება აემაღლებინა.
"იუნაიტედმა" თავისი ხუთივე შეხვედრა მიოგო ნორვეგიელი მწვრთნელის ხელმძღვანელობისას. კლუბთან დაკავშირებულმა წყარომ კი განაცხადა: "ფერგიუსონმა ბიჭებს უთხრა, რომ ისინი კვლავ გახდიდნენ "იუნაიტედს" დომინანტსა და წარმატებულს.
უთხრა, რომ სჯეროდა მათი და სურდა, მათ სიამოვნება მიეღოთ საკუთარი თავისგან, იბრძოლონ ერთმანეთისთვის და მოედანზე დადონ ყველაფერი.
მათ ასევე უთხრა, რომ კლუბი საიმედო ხელშია და დაპირდა, რომ "იუნაიტედი" კვლავ გახდება დიდი და უკეთესი, ეს ფეხბურთელები კი ამის ნაწილი იქნებიან.
ფეხბურთელებს სჯერათ, რომ წინ წარმატება ელით".
ფერგიუსონის მიმართვა დანამატი იყო სოლსკიაერის მიერ შექმნილ დადებით ატმოსფეროზე. 77 წლის ყოფილმა მწვრთნელმა კი სოლსკიაერს საჭირო კონსულტაცია გაუწია.
წყარომ დაამატა: "ფეხბურთელებს სურთ, მადლობა გადაუხადონ სერ ალექსს მხარდაჭერისა და კეთილი სიტყვებისათვის და ძალიან სურთ რომელიმე ტიტული მოიგონ მისი და ოლე გუნარ სოლსკიაერისთვის ამ სეზონში."