სანახაობრივი თამაშით მოხიბლული ფეხბურთელები ნორვეგიელის შენარჩუნების იმედად არიან.
"მანჩესტერ იუნაიტედის" ფეხბურთელებს სურთ, ოლე გუნარ სოლსკიაერი გუნდის მთავარი მწვრთნელი ხანგრძლივი ვადით გახდეს.
მთავარი მწვრთნელის მოვალეობის შემსრულებელი სოლსკიაერი გუნდში სეზონის ბოლომდე დარჩება, "იუნაიტედის" იერარქიის წარმომადგენლები კი ახალი მთავარი მწვრთნელის ძიების პროცესს ხელმძღვანელობენ, რათა გაძევებული ჟოზე მოურინიო ჩაანაცვლონ.
მიუხედავად იმისა, რომ "ტოტენჰემის" თავკაცი მაურისიო პოჩეტინო უპირველეს სამიზნედ რჩება, "ოლდ ტრაფორდზე" მოასპარეზე ფეხბურთელებს ოლე გუნარის შენარჩუნება ურჩევნიათ.
გულშემატკივართა საყვარელმა ნორვეგიელმა თავის მხრივ ყველა პირობა შექმნა სამუშაოს უფრო ხანგრძლივად ჩასაბარებლად, მოიგო რა შესაძლო ხუთიდან ხუთივე მატჩი და ათამაშებს გუნდს ჟოზე მოურინიოსთან შედარებით კონტრასტული სტილის, შემტევ ფეხბურთს.
ოლე გუნარის ხელმძღვანელობით კლუბის წამყვანი ფეხბურთელები უფრო პროდუქტიულები გახდნენ და მათზე დაკისრებულ სამუშაოს პირნათლად ასრულებენ, რაც სრულიად განსხვავდება ჟოზე მოურინიოს პერიოდის მიდგომისგან, როცა ნახევარმცველების უმთავრეს მოვალეობას პირველ რიგში თავდაცვა წარმოადგენდა.
45 წლის ნორვეგიელი არ მალავს, რომ "ოლდ ტრაფორდზე" დარჩენა და დიდხანს მუშაობა სურს და კლუბის აღმასრულებელი დირექტორი ედ ვუდვორდიც მოხარულია მის მიერ გაწეული სამსახურით მოკლე ვადაში.
წყარო:
mirror