ოლე გუნარ სოლსკიაერმა "ნიუკასლთან" გამართული მატჩის შემდეგ მშრალად შენახულ კარზე ისაუბრა. ლუკაკუსა და რეშფორდის მეორე ტაიმში გატანილმა გოლებმა გუნდს გამარჯვება მოუტანა, სოლსკიაერი კი "მანჩესტერ იუნაიტედის" ისტორიაში მეორე მენეჯერი გახდა, რომელმაც პირველი ოთხი თამაში მოიგო.
"მეოთხე თამაშია ამას ვცდილობთ და ბოლოს და ბოლოს კარის მშრალად შენახვა მოვახერხეთ. ვფიქრობ, ფეხბურთელებმა პროფესიონალურად ითამაშეს. შესაძლოა იმ სიმაღლეზე არ ვიყავით, რაც შეგვიძლია, მაგრამ ვიგრძენი, რომ ჩვენ თამაშს ბოლომდე ვაკონტროლებდით."
"კონტროლი უფრო მეტად მეორე ტაიმში მოვახერხეთ. პირველი ნახევრის ჩატარება ცოტათი უფრო გაგვიჭირდა. ცოტა მომენტი შევქმენით - ზედმეტად ბევრი შეხება, ზედმეტად ბევრი პასები ერთ სივრცეში..."
"თუმცა ამ თამაშს ერთი ძალიან დიდი პლიუსი აქვს და ეს სუფთად შენახული კარია."
ლუკაკუმ შემოსვლიდან პირველივე შეხებაზე გოლის გატანა მოახერხა. ამის შემდეგ კი რეშფორდმა საოცარი თამაშით მოწინააღმდეგის კარი დალაშქრა. სოლსკიაერს ფორვარდებმა ახალი საფიქრალი გაუჩინეს - ვინ უნდა დადგეს ძირითად შემადგენლობაში?
"მარკუსმა შესანიშნავად დაარტყა და ლუკაკუმ ძალიან კარგი რეაქცია გამოავლინა. როდესაც კარში დგახარ და ხედავ რომ დიდი რომელუ მორბის შენკენ, მგონია, რომ მეკარეს შეეშინდება და განზე გადგება."
"რაც შეეხება იმ შეკითხვას, თუ რომელს ვათამაშებ მომავალში, პასუხი მარტივია - ორივეს დაყენება შემიძლია ერთდროულად. ერთს მარჯვენა ფრთაზე შეუძლია თამაში, ერთს ცენტრში, ეს კი არჩევანის საშუალებას მაძლევს."