"იუნაიტედის" ახალგაზრდა ფორვარდმა დენი უელბეკმა აღიარა, რომ წითელი ეშმაკუნები "რეალთან" მატჩს ისევე მოეკიდნენ, როგორც სხვა ჩვეულებრივ მატჩს.
"ბერნაბეუ ბრწყინვალე სტადიონია. "რეალს" ბევრი კარგი ფეხბურთელი ყავს, მაგრამ ჩვენ ვხვდებოდით, რომ ეს თამაში უნდა წარმოგვედგინა, როგორც ჩვეულებრივი მატჩი, ერთ-ერთი ბევრიდან.
ჩვენ აქ იმისათვის მოვედით, რომ ფეხბურთი გვეთამაშა და არ აღვენიშნა რაიმე მოვლენა. ყველაფერი იმაზეა დამოკიდებული თუ ვის ეთამაშები, თუმცა "იუნაიტედი" ყველა მატჩში მოსაგებად გამოდის".
უელბეკმა არ დამალა, რომ უეინ რუნის მიერ ჩაწოდებული კუთხურის შემდეგ გატანილი გოლი იყო დამუშავებული ვარჯიშზე.
"როდესაც რუნიმ ჩააწოდა კუთხური მე ვიცოდი სად უნდა გამეგზავნა ბურთი. ჩვენ ამაზე ვვარჯიშობდით და ძალიან ბედნიერი ვარ, რომ შევძელი გოლის გატანა".
მატჩის დასრულებამდე უელბეკს კიდევ ჰქონდა შანსი გოლის გატანისათვის, თუმცა დიეგო ლოპესმა მოახერხა უელბეკის დარტყმულის მოგერიება.
"დიახ, ცოტა მაკლდა მეორე გოლამდე. რობინმა ბრწყინვალე პასი გამიკეთა, თუმცა სანტიმეტრები დამაკლდა სრული წარმატებისათვის. ერთი ნაბიჯიც და შევაგდებდი ბურთს კარში" - განაცხადა "იუნაიტედის" წინახაზელმა.