საფეხბურთო ელიტის ეპიცენტრში, ბოლო დროს უდავოდ "მანჩსტერ იუნაიტედი" და მისი ახალი მთავარი მწვრთნელი ოლე გუნარ სოლშერი დგას. ფერგიუსონის ყოფილ შეგირდზე თითქმის ყველა საფეხბურთო გამოცემა თუ სპეციალისტი საუბრობს და წარმატებებს უსურვებს მას, გამონაკლისი არც "ქალაქელების" თავკაცი პეპ გვარდიოლა გახლავთ.
გვარდიოლამ ჟურნალისტებთან განაცხადა, რომ სოლშერის გზა ძალიან წააგავს მის განვლილ გზას და წარმატებებს უსურვებს მას კარიერაში.
"როდესაც ასეთი მწრთნელი იღებს თავის შანსს, ეს ნიშნავს იმას, რომ კლუბი მას ენდობა, ისინი ფიქრობენ - ის ამას აუცილებლად გაუმკლავდება. ჩემ შემთხვევაშიც მსგავსი რამ მოხდა.
ჩვენ ვიყავით ახალგაზრდები რომლებმაც მიიღეს თავისი შანსი, მაქსიმალურად ცდილობ ამ დროს შედეგი დადო და წარმატებას მიაღწიო. ის ფაქტი, რომ "ბარსელონას" სისტემის ნაწილი 13 წლის განმავლობაში ვიყავი, ძალიან დამეხმარა.
ეს მნიშვნელოვანია, იცოდე გარემო, იცნობდე შენს ირგვლივ ყველას, ცნობდე კარგად შიდა სამზარეულოს. სოლშერს წარმატებებს ვუსურვებ". - ციტირებს Sky Sports - გვარდიოლას სიტყვებს.