საკმაოდ საინტერესო ცნობას ავრცელებს, გავლენიანი ბრიტანული გამოცემა Mirror-ი. ამ გამოცემის მიერ გამოქვეყნებული სტატიის მთავარი გმირები არიან დეივიდ დე ხეა, ენტონი მარსიალი და ალექსის სანჩესის ხელფასი.
ამ სტატიაში ვკითხულობთ იმ მიზეზის შესახებ, თუ რატომ არ აწერს ახალ კონტრაქტს ხელს კლუბის ორი ლიდერი, დეივიდ დე ხეა და ენტონი მარსიალი. გავრცელებული ინფორმაციის თანახმად, მათი უკმაყოფილების მიზეზი დაბალი ანაზღაურებაა და კარგი ანაზღაურების საზომად, ამ ფეხბურთელებს, ალექსის სანჩესის ჯამაგირი მოჰყავთ.
მათი თქმით, მათ იმდენივე ან უფრო მეტი ანაზღაურება ეკუთვნით, ვიდრე ალექსის სანჩესს აქვს და ეს დაუფასებლობის შეგრძნება, იმდენად ძლიერია, რომ ისინი, კლუბიდან წასვლაზეც კი თანახმანი არიან, თუ მათი პირობები არ შესრულდება.
ორი აზრი არაა, რომ კლუბისთვის მარსიალიც და დე ხეაც, უფრო მნიშვნელოვანი ფეხბურთელები არიან, ვიდრე ჩილელი ნახევარ-მცველი და კლუბმა, უდაოდ არ უნდა დაინანოს თანხა მათ შესანარჩუნებლად.