სამწუხარო მარცხი განიცადა "იუნაიტედმა" საშინაო კედლებში, იტალიის ჩემპიონ, "იუვენტუსის" წინააღმდეგ. დასანანი, როგორც იდეურად, თორემ არანაირი მაღალი ან საშუალო თამაშის ხარისხი, არანაირი გააზრებული შეტევები და არანაირი მცირე შანსიც კი, რომ, თუნდაც საყაიმო ანგარიშით დამთავრებულიყო მატჩი. მოედანზე მოასპარეზე ორ გუნდს შორის, კატასტროფულად დიდი სხვაობა იყო, რაზეც კომენტარი გააკეთა ჟოზე მოურინიომ.
"მათ ჰყავდათ იგუაინი, დიბალა და მანჯუკიჩი, თუმცა მეტი უნდოდათ და იყიდეს რონალდო. მათ ყავდათ ბარძალი, კიელინი, რუგანი, მაგრამ უნდოდათ მეტი და დაიბრუნეს ბონუჩი. მათ დიდი მიზნები აქვთ და მოქმედებენ ისე, როგორც დიდი მიზნების მქონე გუნდს შეეფერება. ამ გუნდს აქვს კარგი წარსული, მშვენიერი აწმყო და ცდილობენ ასეთივე მომავლის შექმნას." მას შემდეგ რაც დაუსვეს კითხვა, რომ თუ "იუნაიტედი" მეტ ინვესტიციას განახორციელებდა ტრანსფერებში, მიაღწევდა თუ არა გუნდი სხვა ევროპული გრანდების დონეს, მოურინიომ უპასუხა:"რომ მივაღწიოთ"იუვეს" დონეს? "ბარსელონას" დონეს? "რეალის" დონეს? დიახ ეს ასეა, თუმცა ამის გაკეთება რთულია. ყველა კარგ ფეხბურთელს ამ გუნდებში სურს ასპარეზობა. ასე რომ, ჩვენ ვკმაყოფილდებით იმით, რაც გვაქვს, ვმუშაობთ იმით, რაც გვაქვს და ვცდილობთ ჩვენი გუნდით მივაღწიოთ წარმატებას. ისინი 7-ჯერ თუ 8-ჯერ გახდნენ იტალიის ჩემპიონები მიყოლებით, ასევე 4 წელში ორჯერ იყვნენ ჩემპიონთა ლიგის ფინალში და მათ მეტი სურთ. ეს გრანდის სურვილებია, რომელსაც საკმარისი რესურსი გააჩნია ამ სურვილების რეალიზებისთვის."
ფაქტია, რომ "იუვენტუსი" ინგლისურ კლუბთან შედარებით, ძალიან მაღლა დგას ყველა ასპექტში. იქნება ეს ფიზ-მომზადება, ტექნიკა, შეთამაშება თუ დისციპლინა. ბონუჩი-კიელინის დაცვის ხაზი კი, თამამად შეიძლება ითქვას, რომ მსოფლიოში საუკეთესოა, რაც გუშინაც გამოჩნდა ლუკაკუსთან, მარსიალთან და რაშფორდთან დაპირისპირებაში.