ჟურნალისტებისთვის, ბოლოდროინდელ სალაპარაკო თემად რომელუ ლუკაკუს უგულო სერიები იქცა. ბელგიელი თავის გამოჩენას ვერ ახერხებს, "იუნაიტედს" კი გოლები ჰაერივით სწორედ ახლა ესაჭიროება.
საინტერესოა თავად ლუკაკუს მოსაზრება. მან ამ საკითხზე ჟურნალისტებთანაც ისაუბრა და განაცხადა, რომ მასსა და თანაგუნდელებს შორის ჯერ კიდევ არ არსებობს ის ურთიერთკავშირი, რაც მას გოლების გატანაში დაეხმარება.
"ეროვნულ ნაკრებში უკვე თითქმის 10 წელია ვთამაშობ, 16 - წლის ასაკიდან დაიწყო ეს ყველაფერი. თანაგუნდელებს შესანიშნავად ესმით ჩემი. "იუნაიტედში" ყველაფერი სხვაგვარადაა, აქ ჯერ კიდევ გვიჭირს ერთმანეთის გაგება.
ეს არის ის ასპექტი რაზეც ბევრი მუშაობა გვმართებს. თანაგუნდელებმა უფრო უნდა გამიგონ მე და ჩემ მოძრაობებს მოედანზე. როდესაც ამ ყველაფერს ერთობლივად ვისწავლით, მე შევძლებ გუნდში მაღალი რეზულტატების ჩვენებას". - ციტირებს Sports Mole - ლუკაკუს სიტყვებს.
რომელუ გუნდს 2017 წელს შეუერთდა. ამ ხნის განმავლობაში მან ჩატარებულ 63 მატჩში 31 გოლის გატანა შეძლო, რაც შეეხება ეროვნულ ნაკრებს, იქ ლუკაკუ შესანიშნავია, 45 გოლი 79 შეხვედრაში. მიმდინარე სეზონში ლუკაკუმ ჩატარებულ 9 შეხვედრაში თავის გამოჩენა მხოლოდ 4 ჯერ შეძლო.