თითქმის უკვე გადაწყვეტილია, რომ თუ არა ზამთრის სატრანსფერო ფანჯარაზე, სეზონის დასასრულს მაინც "მანჩესტერ იუნაიტედს" ახალი მთავარი მწვრთნელი ეყოლება.

"წითელი ეშმაკების" ხლმძღვანელობა ამ საკითხზე აქედანვე აქტიურად მუშაობს. კანდიდატები შერჩეულია, თუმცა როგორც ჩანს მათთან შეთანხმების მიღწევა ამ დრომდე ვერ ხერხდება.

პრესაში აქტიურად გაიჟღერა მასიმილიანო ალეგრის კანდიდატურამ, რომელიც ამჟამად ტურინის "იუვენტუსს" უდგას სათავეში. როგორც ჩანს სპეციალისტს "ნისლიან ალბიონზე" ძალების მოსინჯვა ამ ეტაპზე არ სურს.

Calciomercato - ის ცნობით, ვუდვორდმა, ალეგრის მსუყე კონტრაქტიც შესთავაზა რომელიც ასე გამოიყურება: ხელშეკრულების ვადა 3 წელს შეადგენს, ხოლო ამ დროს განმავლობაში ალეგრი წელიწადში 9 მილიონ ევროს მიიღებდა, ამასთანავე მას სატრანსფეროდ გამოყოფილი ექნებოდა 200 მილიონი ევრო.

მასიმილიანომ ამ კონტრაქტს მაღალი შეფასებაც გაუკეთა, თუმცა განმარტა, რომ ამ მომენტისთვის "იუვენტუსის" დასატოვებლად მზად არ არის.


წყარო: euro-football