ინგლისში თითქმის დარწმუნებულნი არიან, რომ ჟოზე მოურინიო "მანჩესტერ იუნაიტედის" მთავარი მწვრთნელის პოსტს მალე დატოვებს. ბრიტანულ მედიაში უფრო და უფრო ხშირად ჩნდება ინფორმაცია, რომ მანჩესტერულ კლუბს ზინედინ ზიდანი ჩაუდგება სათავეში.
ზიდანის განცხადებით, ის ფეხბურთს მალე დაუბრუნდება და რომელიმე დიდ გუნდს ჩაიბარებს. ჩემპიონთა ლიგის რეკორდსმენმა ამის შესახებ ფრანგულ ტელეარხთან მიცემული ინტერვიუს დროს განაცხადა: "ფეხბურთში ძალიან მალე დავბრუნდები და რომელიმე დიდ გუნდს გავწვრთნი".
თუმცა ფრანგი სპეციალისტის აგენტი სხვა აზრისაა, ალან მილიაჩომ ფრანგულ გაზეთთან მიცემულ ინტერვიუში განაცხადა, რომ ზიდანს ინგლისში მუშაობა არ ხიბლავს: "არ ვფიქრობ, რომ ზიდანი ინგლისში წავა. ეს არ არის მისი სტილი."