ბოლო პერიოდში საკმაოდ აქტუალურია თემა იმის შესახებ, რომ პოლ პოგბა გუნდს შეიცვლის. ეს შესაძლოა ზამთარშივე მოხდეს ან თუნდაც ზაფხულში, არავინ იცის. საიდუმლო არავისთვისაა, რომ ამ ტრანსფერის ინიციატორი პოგბაა მისი ბოლოდროინდელი განცხადებების გამო. ეს ტრანსფერი კი ნამდვილად არ იქნება მსუბუქი წონის.

ფაქტია, რომ ძალიან დიდ ხმაურს გამოიწვევს პოგბას ტრანსფერი და ნამდვილად არ დაუჯდება ეს ტრანსფერი იაფი მსურველ გუნდს. გავრცელდა ჭორები იმის შესახებ თუ, რამდენად აფასებენ პოგბას "იუნაიტედში". გავლენიანი ბრიტანული გამოცემის ინფორმაციით ინგლისელების მიერ დასახელებული თანხა 200 მილიონ ფუნტ-სტერლინგს შეადგენს(263 მილიონი დოლარი).

პოგბას მსურველებიდან ორი ძირითადი გუნდია გამოკვეთილი "იუვენტუსი" და "ბარსელონა". პირველმა მათგანმა უკვე საკმაო თანხები გაიღო ტრანსფერებისთვის და პრინციპში სათუოა, რამდენად მისცემს მათ ფეირ-ფლეი ამ ტრანსფერის განხორციელების უფლებას. ხოლო მეორე მათგანი ბოლო წლებია საკმაო თანხებს ხარჯავს ფეხბურთელების შეძენაში და დიდი ალბათობით კატალონიის "ბარსელონა" დაწინაურდება ამ ბრძოლაში. თუმცა ვის აირჩევს პოგბა, ეს ნამდვილი გამოცანაა ყველასთვის.

წყარო: www.goal.com