პირველ რიგში ყველა "იუნაიტედის" გულშემატკივარს გილოცავთ დამაჯერებელ გამარჯვებას "იანგ ბოიზის" წინააღმდეგ. პრინციპში გამარჯვება დამაჯერებელი იყო, თუმცა თამაშის ხარისხი ექსტრემალურად დაბალი, რაც რაღაც დოზით აისახა სტატისტიკაშიც. მოცემულ სტატიაში მოკლედ მიმოვიხილავთ გუნდის შემადგენლობას, რომელმაც სამი გოლის გატანა შეძლო სტუმრად.

არახალია, რომ "იუნაიტედს" არ ჰყავს ძირითადი თერთმეტეული. ეს ამ მატჩშიც გამოჩნდა, რადგნა იმ გუნდიდან, რომელმაც "ვოტფორდი" დაამარცხა მათივე კედლებში, მოურინიომ 5 ფეხბურთელი შეცვალა საწყის თერთმეტეულში, რაც ნამდვილად ბევრია, ამავდროულად ორივე ძალიან მნიშვნელოვანი თამაში გახლდათ. ანტონიო ვალენსია, მარუან ფელაინი, ალექსის სანჩესი, ჯესი ლინგარდი და ეშლი იანგი. მოდით რამოდენიმე ფეხბურთელის არყოფნის მიზეზი დავასახელოთ, რაც ნამდვილად რეალურია და არ იწვევს დაბნეულობას. ანტონიო ვალენსიას არ ყოფნა გამოწვეულია, მოურინიოს თქმით, მუხლის ტრავმით, რასაც ხელოვნური საფარი კიდევ უფრო გააუარესებდა. რაც შეეხება ეშლი იანგს, ლუკ შოუ უკვე მწყობრში იყო და აღარ იდგა მისი იანგით ჩანაცვლების საჭიროება. მარუან ფელაინიმ ძირითად შემადგენლობაში არ დაიწყო, თუმცა მეორე ტაიმის მეორე მონაკვეთში ვიხილეთ ის მოედანზე და შეგვიძლია ვივარაუდოთ, რომ ნიადაგი მოსინჯა მოურინიომ ფრედის დაყენებით. ამჯობინა შეტევითი ფეხბურთით - ფრედით დაწყება და მოგვიანებით გადაერთო მეტოქის შეტევების ჩაშლაზე - ფელაინის სახით. მარკუს რაშფორდის ყოფნა მის მიმართ ნდობით იყო გამოწვეული, თუ ჯესი ლინგარდის მიმართ არ ნდობით ეს ნამდვილად საინტერესო კითხვაა, თუმცა საკმაოდ რთულია ამაზე პასუხის გაცემა. თუმცა "ირმებთან" მატჩი მარკუსმა წითელი ბარათის გამო გამოტოვა, თუმცა მის მაგივრად მოედანზე ხუან მატა ვიხილეთ, რომელიც "ვოტფორდთან" არ გვინახავს და ამ სეზონში ორჯერ ვნახეთ მოედანზე, ამათგან ერთხელ შეცვალეს. ყველასთვის სიურპრიზი იყო ენტონი მარსიალის თამაში ჩემპიონთა ლიგის გახსნით შეხვედრაში. მატჩი ფრანგა ვინგერმა ვერცერთი წარმატებული დრიბლინგი ვერ შემოგვთავაზა და 11 არაზუსტი გადაცემა განახორციელა, თუმცა რიკოშეტის წყალობით მაინც მოახერხა მეტოქის კარის აღება. გაუგებარია რატომ არ მისცა შანსი, მოურინიომ, ალექსის სანჩეზს და ალბათ ამაზე კომენტარს გააკეთებს პრესკონფერენციაზე.

ანგარიშის უგუვებელყოფის შემთხვევაში, საკმაოდ რთულია პოზიტიური თვალით შევხედოთ გუნდის თამაშს. არც ისე რთულია იმის განსაზღვრა, თუ რამდენად ძლიერია "ტურინის იუვენტუსი" ამ მდგომარეობით "ეშმაკებზე" და რა შესაძლო შედეგით შეიძლება დასრულდეს შეხვედრა ამ ორ გრანდს შორის, თუმცა მაინც ერთგულად უნდა ვუქომაგოთ "იუნაიტედს", მითუმეტეს ამ ძნელბედობის ჟამს, როდესაც ამდენი პრობლემაა გუნდში.

წყარო: www.skysports.com