ყველა საკლუბო დონეზე მომუშავე მწვრთნელისთვის საძულველი სანაკრებო პაუზა დასრულდა. ფეხბურთელები უბრუნდებიან საკლუბო, რეგულარულ სეზონს და განახლდება პრემიერ ლიგაც. ჩვენი საყვარელი "იუნაიტედი" პრემიერ ლიგის ფარგლებში "უოტფორდელ" ირმებს ეწვევა და ამ თამაშით გაახლებს სატურნირო ციებ-ცხელებას. მატჩი 15 სექტემბერს არის ჩანიშნული, საქართველოს დროით 20:30_ზე.

"უოტფორდს" საკმაოდ ეფექტური და შედეგიანი სტარტი ჰქონდა, 4 შეხვედრაში მაქსიმალური, 12 ქულის მოპოვება შეძლეს და შესაბამისად მესამე ადგილს დასჯერდნენ, "ლონდონის ჩელსისა" და "ლივერპულის" შემდეგ. ყურადსაღები ფაქტია ის, რომ მათ მიერ დამარცხებულთა სიაშია "ტოტენჰემი", რომელთანაც "იუნაიტედი" დამარცხდა ანგარიშით 0-3, საკუთარ კედლებში. "იუნაიტედს" შესაძლო 12 ქულიდან, მხოლოდ და მხოლოდ, 6 აქვს, რაც თამამად შეგვიძლია ვთქვათ, რომ ცუდი შედეგია "ეშმაკებისათვის".

"წითელი ეშმაკების" დანაკლისი ხუთ-კაციანია : მარკოს როხო, ლუკ შოუ, სერხიო რომერო, მარუან ფელაინი, ფილ ჯონსი. ეს სია შესაძლოა შეიცვალოს, მხოლოდ სასიკეთოდ, რადგან შესაძლოა მარუან ფელაინის ტრავმა სერიოზული არ აღმოჩნდეს, რომელიც ბელგიის ეროვნული ნაკრების ვარჯიშზე მიიღო. ასევე ლუკ შოუ, რომლის სარეაბილიტაციო პერიოდი საკმაოდ სწრაფად მიმდინარეობს, თუმცა მაინც საეჭვოა მისი თამაში "ირმების" წინააღმდეგ. მას დიდი ალბათობით დიოგო დალო ჩაანაცვლებს, რომელსაც დებიუტი ექნება პრემიერ ლიგაში, ძირითად გუნდში. ასევე დანაკლისით ხვდება "უოტფორდი" ამ შეხვედრას. ტომ ქლევერლი, დეულოფეუ, ბრიტოსი და კაბული ვერ დაეხმარებიან მათ "იუნაიტედის" წინააღმდეგ.

მატჩამდე ჟოზე მოურინიო გამართავს პრესს კონფეენციას, რომელიც პარასკევს - 14 სექტემბერს გაიმართება და რომლის დეტალურ ანალიზსს შემოგთავაზებთ ჩვენი საიტი.

წყარო: www.manutd.com