ყოფილი, შესანიშნავი ფეხბურთელი ალან შირერი მიიჩნევს, რომ თუ მარკუს რეშფორდი "ოლდ ტრაფორდზე" დარჩება და ამ ფორმაციის "იუნაიტედის" ღირსების დაცვას ისევ განაგრძობს, ის დიდი თავდამსხმელი ვერ გახდება.
"გამომდინარე იქიდან, რომ ბელგიელი შემტევი რომელუ ლუკაკუ ფორმაშია და სწორედ ის იკავებს გუნდში მთავარი თავდამსმხელის ადგილს, რეშფორდი ვერ შეძლებს ამ პოზიციაზე ძირითადი ადგილის დაკავებას. სანამ ჟოზე მოურინიო "იუნაიტედის" მთავარი მწვრთნელის პოსტზეა, არამგონია გუნდმა ორი თავდამსმხელით ითამაშოს. ლუკაკუს არყოფნის შემთხვევაში, მის ადგილს არა რეშფორდი, არამედ სანჩესი დაიკავებს.
საინტერესოა, შეძლებს საერთოდ მარკუსი მოურინიოს გუნდში სათამაშო დროის მიღებას, თუ მოურინიოს ახალი თავდამსხმელი სურს? ის დიდი ხნის მანძილზე თამაშობდა ვინგერის პოზიციაზე, ძნელი წარმოსადგენია თუ როგორ დაუბრუნდება მის ნამდვილ სათამაშო პოზიციას. მე არ ვურჩევ რეშფორდს "ოლდ ტრაფორდის" დატოვებას, ეს შესანიშნავი გუნდია, მაგრამ თუ მას სურს გახდეს დიდი თავდამსხმელი, ეს ამ შემადგენლობაში არ მოხდება.
მან უნდა აირჩიოს ის კლუბი, სადაც მთავარი შემტევი ძალა თვითონ იქნება. მხოლოდ ამ შემთხვევაში ვხედავ იმას, რომ ის იბრძოლებს ბომბარდირობისტვის". - ციტირებს შირერის სიტყვებს - Team Talk.