ფრანგული L`Equipe ინფორმაციით ზინედინ ზიდანს სამწვრთნელო კარიერის გაგრძელება ინგლისში, კერძოდ კი "მანჩესტერ იუნაიტედის" თავკაცის პოსტზე სურს.
46 წლის სპეციალისტმა მადრიდის " რეალი" ჩემპიონთა ლიგის ზედიზედ მესამედ მოგებიდან 5 დღის შემდეგ დატოვა. 2,5 წლის მანძილზე მან ასევე მოიგო ესპანეთის ჩემპიონატი და მსოფლიო საკლუბო ტურნირი 2-ჯერ, ახლა კი გეგმავს კარიერის ინგლისში გაგრძელებას.
მიუხედავად ფრანგი სპეციალისტის წარმოუდგენელი მიღწევებისა მადრიდის "რეალში", ექსპერტთა ნაწილი თვლის რომ ზიდანი არ შედის მსოფლიოს საუკეთესო მწვრნელთა სიაში, ვინაიდან მან მხოლოდ ერთ კლუბში იმუშავა, მას არ ჩამოუყალიბებია ჩემპიონთა ლიგის 3-ჯერ ზედიზედ მომგები გუნდი, ჩემპიონთა ლიგის გარდა მისი მწვრთნელობის დროს გუნდი სხვა ტურნირებზე წარუმატებლობას განიცდიდა.
კრიტიკოსები ასევე მიიჩნევენ, რომ ზიდანმა "რეალი" სწორედ მაშინ დატოვა , როდესაც გუნდი რეორგანიზაციას საჭიროებდა და ამით სერიოზულ გამოცდას თავი აარიდა.
ჯერ გადაწყვეტილი არაფერია, თუმცა თუ გავითვალისწინებთ მოურინიოსა და "იუნაიტედის" არცთუ სახარბიელო ურთიერთობას , მომავალში მოვლენების მსგავსი კუთხით განვითრება გამორიცხული ნამდვილად არ არის.