"წითელ ეშმაკებს" ინგლისის ნაკრების ცენტრალური მცველი სურთ.
როგორც ჩანს, ინგლისის ეროვნული ნაკრების ცენტრალური მცველის ჰარი მაგუაიერის თამაშმა რუსეთში მიმდინარე მსოფლიო ჩემპიონატზე, "მანჩესტერ იუნაიტედის" მთავარ მწვრთნელზე ჟოზე მოურინიოზე შთაბეჭდილება მოახდინა და ფეხბურთელის მიმართ ინტერესიც გაჩნდა. "წითელ ეშმაკებმა" "ლესტერის" მცველის სანაცვლოდ 50 მილიონი ევროც გაამზადეს.
ცნობისთვის, "მელიებმა" მაგუაიერის სანაცვლოდ "ჰალ სიტის" მხოლოდ 17 მილიონი ფუნტი გადაუხადეს. შესაბამისად ჰარიმ მაშ შემდეგ საკუთარი რეპუტაცია გაზარდა და სათამაშო დონესაც მკვეთრად მოუმატა, რაც დღევანდელ დღეს მარტივად შესამჩნევია - მისი სატრანსფერო ფასი მნიშვნელოვნად გაიზარდა.
25 წლის მაგუაიერი, გარეთ საუთგეიტის ინგლისის ნაკრებში ერთ ერთ მნიშვნელოვან ფიგურად იქცა, ის გუნდის მნიშვნელოვანი ქვაკუთხედია, სწორედ ამიტომ მან 2018 წლის მსოფლიო ჩემპიონატზე "სამი ლომის" ძირითად შემადგენლობაში ადგილი არავის დაუთმო და თითქმის ყველა ჩატარებულ შეხვედრაში მიიღო მონაწილეობა. სწორედ ამიტომ "ოლდ ტრაფორდელები" გააქტიურდნენ.
Daily Mail - ის ცნობით, ჟოზ მოურინიო გუნდის ხელმძღვანელობას აუცილებლად სთხოვს გაკეთდეს შეთავაზება, რის შემდეგაც იგეგმება მაგუაიერით, გუნდის ამჟამინდელი მცველების კრის სმოლინგისა ან ფილ ჯონსის შესაბამისი ჩანაცვლება.
პრობლემა მდგომარეობს შემდეგში: "მელიები" სრულებით არ გეგმავენ ჰარის გაყიდვას და მეტიც, მას კლუბში დაბრუნების შემდეგ ახალ კონტრაქტსაც შესთავაზებენ. სატრანსფერო ფანჯარა ოფიციალურად 9 აგვისტოს იხურება, ასე რომ ედ ვუდვროდს მოლაპარაკებების წარმატებით დასასრულებლად გარკვეული დრო აუცილებლად ექნება.
წყარო:
manutd8.com