"მანჩესტერ იუნაიტედის" თავდამსხმელი არის ყველაზე საშიში თავდამსხმელი პრემიერ ლიგაში. მექსიკელმა წელს ინგლისის ჩემპიონატში მხოლოდ 622 წუტი ითამაშა, თუმცა ამას ხელი არ შეუშლია იმისთვის, რომ გაეტანა 8გოლი. ეს ნიშნავს, რომ ერნანდესი ყოველ 77.8 წუთში იტანს გოლს, რამაც ძალიან დიდი როლი ითამაშა იმაში, რომ სერ ალექსის ბიჭები გათამაშების სათავეში იმყოფებიან. მას მოსდევს სუპერ შემცვლელი ადამ ლე ფონდრი, რომელმაც "რედინგის" მაისურით 10 გოლი გაიტანა 996 წუთში. 6 მათგანი სათადრიგო სკამიდან გამოსვლის შემდეგ, ეს შედეგი უტოლდება "პრემიერ ლიგის" რეკორდს, რომელიც ბრაიან მაკდერმოტს ეკუთვნის.
მესამე პოზიციზე იმყოფება "მანჩესტერ სიტის" თავდამსხმელი ედინ ძეკო, ბოსნიელმა 11 გოლი გაიტანა "პრემიერ ლიგაში" ჩატარებულ 1100 წუთში - რაც ნიშნავს იმას, რომ ის ყოველ 100 წუთში ერთ გოლს იტანს.
"ჩელსის" ვეტერანმა ფრენკ ლამპარდმა, რომელსაც უკვე შესთავაზეს ახალი კონტრაქტი "სტემფორდ ბრიჯზე", გაიტანა 10 გოლი 1046 წუთში, რომელთა უმრავლესობა ბოლო კვირებში გავიდა.
სიაში შემდეგ პოზიციას კიდევ ერთი "მანჩესტერ იუნაიტედის" ფეხბურთელი, "პრემიერ ლიგის" საუკეთესო ბომბარდირი რობინ ვან პერსი იკავებს, რომელმაც 2026 წუთში 18 გოლს მოუყარა თავი. შემდეგი მოდის "ლივერპულის" ვარსკვლავი ლუის სუარეზი, რომელმაც 17 გოლი გაიტანა 2026 წუთში, რაც იმას ნიშნავს, რომ მას ამ ათეულში ყველაზე მეტი დრო აქვს გატარებული მოედანზე. საბოლოოდ მისი საშუალო მაჩვენებელი უდრის 126.9 წუთში ერთი გოლი.
ჩამონათვალში მე-7 პოზიციაზე თეო უოლკოტი, რომელმაც 11 გოლი გაიტანა 1400 წუთში. ის ძალიან დიდ წვლილს თამაშობს "მეთოფეების" გამარჯვებებში.
შემდეგი არის მესამე "იუნაიტედის" ფეხბურთელი უიენ რუნი. მიუხედავად იმისა, რომ მან ტრამვის გამო მცირე პერიოდი გამოტოვა მან მოახერხა 10 გოლის გატანა 1294 წუთში, რაც დაახლოებიტ უდრის ერთ გოლს ერთნახევარ მატჩში."ჩელსის" მიერ განათხოვრებული რომელუ ლუკაკუ ძალიან კარგ ფორმაში იმყოფება. "ვესტ ბრომვიჩის" მაისურით ჩატარებულ 1171 მატჩში მან ცხრა გოლი გაიტანა, რამაც ის ჩამონათვალის მე-9 პოზიციაზე გადაიყვანა.
ამ სიას კი ამთავრებს "ფულემის" თავდამსხმელი მლადენ პეტრიჩი, რომელმაც 5 გოლი გაიტანა 668 მატჩში, რაც საშუალოდ 133,6 წუთში ერთ გოლს უდრის.
ეს კი საბოლოო ჩამონათვალი:
1. ხავიერ ერნანდესი - 8 გოლი 622 წუთში (საშუალოდ 77.8)
2. ადამ ლე ფონდრე - 10 გოლი 996 წუთში (საშუალოდ 99.6)
3. ედინ ძეკო - 11 გოლი 1100 წუთში (საშუალოდ 100)
4. ფრენკ ლამპარდი - 10 გოლი 1046 წუთში (საშუალოდ 104.6)
5. რობინ ვან პერსი - 18 გოლი 2026 წუთში (საშუალოდ 112.6)
6. ლუის სუარეზი - 17 გოლი 2157 წუთში (საშუალოდ 126.9)
7. თეო უოლკოტი - 11 გოლი 1400 წუთში (საშუალოდ 127.3)
8. უიენ რუნი - 10 გოლი 1294 წუთში (საშუალოდ 129.4)
9. რომელუ ლუკაკუ - 9 გოლი 1171 წუთში (საშუალოდ 130.1)
10. მლადენ პეტრიჩი - 5 გოლი 668 წუთში (საშუალოდ 133.6)
წყარო:www.givemefootball.com